أصوات غريبة سجلتها شابة بمنطقة التجمع الخامس أثارت الخوف والرعب وانتشرت بشدة على صفحات مواقع التواصل الاجتماعي.

البداية كانت بمنشور على الصفحة الشخصية لشابة تُدعى رضوى عاشور تقول فيه "يا جماعة سامعين الصوت ده؟.. ده مش كلب والله ما كلب لما خرجت أبص لقيت راجل واقف في البلكونة في الدور التاني اللي هي في الڤيلا اللي مصوراها أول ما خرجت وقف الصوت ده من امبارح وبيظهر بليل بس وطول اليوم عادي أنا مش فاهمة ده إيه وأختي الصغيرة مرعوبة".

وتابعت: "يا جماعة ده والله مش صوت كلب أبداً المنطقة هنا فيها كلاب وبتعوي وبعرف صوتهم وبيهوهوا عادي والصوت ما بيظهرش قبل الفجر ولا حاجة الصوت النهارده ابتدا من الساعة 6 وصورتلكم ڤيديو تاني عشان تسمعوا أوضح الراجل أنا مصورتوش ملحقتش عشان كان دخل بس حاولت أجيب الصوت بس الصوت ما بيبطلش ده لو كان كلب كان نفسه اتقطع والله أنا ساكنة في التجمع الخامس والمنطقة هادية والصوت بيطلع لوحده كدة ركزوا بالله عليكم ده حتى لو حد تعبان كان قال آه أو حتى اتوجع لكن الصوت مبيطلعش إلا كده بس".

وأضافت الشابة في منشور لها على حسابها الشخصي على "فيسبوك" قائلة: "أنا خليت البواب يطلعلي وسألته قالي ممكن يكون كلب قولتله لأ ده مش صوت كلب وسمعته الصوت قالي فعلاً صوته غريب قالي خلاص أنا هروح أسأل قولتله اسأل عشان أنا هبلغ سواء كان كلب أو لا لأن ده كده كائن بيئن وبيتعذب وأنا مش هسكت قالي هروحلهم وأجيلك فأنا مستنياه".

ونشرت أيضًا: "طيب يا جماعة أنا صورت ڤيديو تاني في صوت الكلب اللي عندهم هو كلب صغير واستحالة صوته يكون عالي كده وملحقتش أصور الكلب بس شوفته هو صغير ونوعه تقريباً لبرادور أبيض اسمعوا وشوفوا فرق الأصوات، البواب لما رجع قالي كلام بعيد عن المنطقية، قالي ده كلب وواخدينه من ورا أمه فبيعوي عليها وبعد ما نزل لقيتهم خارجين بيلعبوا الكلب اللي في آخر ڤيديو ده اللي استحالة يطلع منه الصوت ده الناس دي أنا بقالي 6 شهور ساكنة هنا ومشفتهومش قبل كده كنت بشوف ناس ساكنة الڤيلا عادي بس أنا حسيت اللي شفتوهم النهارده كانوا بيسكتوني وخلاص الصوت لسه كان مستمر لحد من ساعة أنا ناوية أبلغ وهبقى أقول إيه اللي حصل إن شاء الله".

وانتشر المنشور على نطاق واسع على شبكات التواصل الاجتماعي وحققت الفيديوهات مئات الآلاف من المشاهدات وآلاف المشاركات بخلاف التعليقات التي أبدت استغرابها من هذه الأصوات التي لم يعتد أحد سماعها في المناطق السكنية.