الكاتبة والباحثة والمُفكرة «أمل أبو زيدة»

اكبر غباء انثوي تتعمد تعمله الست انها تدور ورا راجل هيا عرفه وواثقه انها حتي لو لاقت حاجه هتكمل معاه لان في حاله التكمله الخاسر الاكبر ان مكنش الوحيد هيا وده لاسباب كتير الي هيا ..

#اولا خوف الراجل من انها تعرف لازم تبقو عارفين كويس ان اي راجل مهما ان بلغت قدرته او قوه شخصيته دايما بيخاف ان مراتو تكتشف خيانتو فبمجرد انها تواجه كسرت حده الخوف من جواه ومره ورا التانيه هتحوله لكائن بجح يقولها ( هعمل الي يريحني واذا كان عجبك )

#ثانيا اغلب نزوات الرجاله في الايام دي بتكون مؤقته وهو بيدخل العلاقه الجديده وعارف انه مش هيكملها اما لانه مش محتاج جوازه تانيه او بيتسلي ويضيع وقته او ضعف ادام رغبته في احساس انه دايما مطلوب من الجنس الناعم ساعات كتير بغباء انثي تخليه يحول العلاقه دي لشرعي خوفا ع شكلو ادام الناس لما مراتو بتفضحو وتعملو مشاكل

#ثالثا مش هتستفيدي اي حاجه لو دورتي وراه الا انك تنكدي ع نفسك وتغميها والبيه هيفضل عايش حياتو مستجم وممكن ياخد المشاكل الي بتعمليها معاه حجه عشان يعيش حياتو من غير وش ولادوشه ولا خناق

#رابعا ودي من الحاجات المستفزه جدا بالنسبالي وفي ستات كتير فوق الوصف الحلوه من دول تعرف ان الاستاذ علي علاقه بحد تلوم نفسها وتبتدي تلبس وتتمكيج وتتدلع عليه قال يعني بسلامتو هيحس بندم وهيبعد عن التانيه ماتعرفش ان بعمايلها بتديلو اشاره خضرا طول ماهعرف انك خاين هبقي ليك احلي واجمل

#خامسا المواجهه اياكي ثم اياكي ثم اياكي تستنصحي وتروحي للهانم الجديده وتعرفيها انك عرفتي او تشتمي وتهزقي فيها ده مش هيكون حل انتي بتكوني اشبعتي رغبتها في انها انتصرت عليكي وخربت بيتك وطبعا هتروح للبيه تعيط وتتنحنح انك اد ايه وحشه وفظيعه وهيا المظلومه المغلوب علي امرها

#سادسا الفراغ من اسوء العادات الي بتخلي الست مش وراها حاجه الا جوزها بيعمل ايه راح فين جيه منين عرف مين وشافها ازاي لما تكوني مقرره انك تكملي رغم عيوبه يبقي لازم تشغلي وقتك باي حاجه مفيده ليكي وانتي بتحبيها وتشغلك عنه

طبعا كلامي ده كله موجهه للست الي مقرره انها تكمل رغم كل مساؤي وعيوب جوزها لاي سبب ان كان

انما لو قررت انها تنفصل عنه تطلعو من حياتها نهائي من غير ولا كلمه

في الاخر هقولك لو ناويه تكملي معاه متدوريش وراه .