قال الرئيس عبدالفتاح السيسي، إنه كان دائم التفكير في الكلية الحربية ومستقبلها.

وعلق الرئيس: "وأنا طالب كنت بقول أنا لو ليا قدرة أقول رأي والرأي يتسمع أنا هعمل وهعمل".

وتابع السيسي، خلال زيارته لطلبة الكلية الحربية: "مفيش حاجة كاملة 100%، وإحنا بنسعى للكمال لكن عمرنا ما هنوصله".

وأضاف أنه كان يضع نصب عينيه، أن يتعلم بشكل جيد، وينمي قدراته: "بفكر إزاي أبقى متعلم كويس، وأنا طالب أساسي خدت بطولة الكلية، وده كان نتيجة التدريب المستمر، أنا حاطط قدام نفسي أهداف عايز أوصلها وأحقق بنفسي ده".

واستطرد الرئيس: "قبل الامتحانات بأسبوعين و3 أسابيع مكنتش باخد أجازة، كنت واخد نوط الانضباط العسكري، ومكنش ليا حد في أسرتي في الجيش، أنا أول واحد دخلت الجيش في أسرتي".