سادت شوارع الإسكندرية، أمس، حالة من الترقب والأمل، قبل مباراة المنتخب الوطني مع نظيره الكاميروني، في نهائي بطولة أمم إفريقيا، وكان الشوط الأول من المباراة، في صالح المنتخب المصري، بعد أن تقدمت مصر بهدف، وحافظت على نظافة شباكها، لكن الشوط الثاني، أتى بما لا يحمد عقباه، حيث تعادل المنتخب الكاميروني، وأحرز هدفه الثاني في الدقائق الإخيرة من المبارة، ليقتنص منتخب الكاميرون، لقب البطولة لهذا العام.

وسيطر الحزن على ردود الأفعال في الشارع السكندري، فيقول أحد النشطاء على موقع التواصل الإجتماعي "فيسبوك": : "لايوجد في صفوف المنتخب وائل جمعه وعماد النحاس وهاني سعيد وتريكة المنتخب لا يساوي شيء بدون هؤلاء".. ويضيف ناشط أخر: "مع انى زعلان لدرجة الخنقه وانا من النوع اللي اما ازعل آكل بس اقعدت افكر لو كنا كسبنا النهارده كنا زمانا في الشوارع لحد الصبح واصلا فيه ناس كتير أولادها وبناتها ماتوا في حوادث طرق طول الأسبوع اللي فات واخرهم حادثة نويبع لقيت نفسي بحمد ربنا على اللي حصل علشان نفضل نواسي أهلهم وندعلهم بالرحمه والمغفرة".. وقالت أخرى: "معلش ياحضرى باذن اللة هنعوض كلة دة اهم حاجة انكوا شرفتونا وكفاية الايام الا عدت دى والمصريين كلهم فرحانين احنا المفروض نشكركوا ونقدر تعبكو ا ويارب ترجعولنا بالسلامة ياأحلى واشجع رجالة فى الوطن العربى كلة".. وتابع أخر: "أنا مش عارف الناس زعلانه كده ليه، اللى فيهم فى الكورة ومتابعها، عارف ان اقصى امنية كانت عندنا اننا نغلب غانا فى الدور الاول ونطلع بشرف من البطولة، دلوقتى احنا بنعلب نهائى يعنى تصنيف مصر ارتفع يعنى بقى عند اللاعيبة خبرة تخلاهيم يغلبو اغندا فى شهر 8 ونبقى وصلنا كاس العالم أن شاء الله.. الحلم اللى لم يستطع الجيل الذهبى تحقيقه" وعلق أخر قائلا: "حتى لو فوزنا هيجلكوا منين نفس بالاحتفال واحنا كل يوم يموتوا عندنل ناس ف حوادث طرق واختطاف وبلاوى زرقا".. وتساءل: "وبعدين جبتوا منين كل الفلوس بيتاعت الاعلام والشماريخ والزمامير والكافيهات والناس الي في بيوتها اكل للاحتقال وانتوا ع كلامكوا اننا معناش فلوس وبنواجه حاله الغلاء دا الي احنا فيه".

ولم تخلى التعليقات من مواساة الحضري، بعدما لاحظ الجميع، تأثره الشديد بعد خسارة المباراة، فعلق أحد الناشطين: "متزعلش يا حضري صدقني والله انت راجل وفخر لينا احنا اكيد زعلانين بس يكفينا انكوا لعبتوا بشرف وحلو ووصلتونا للمرحلة دي ولولاك كان زمنا طلعنا من زمان بنحبك يا فخر مصر يا سد عالي".

وحملت بعض الأراء، وجهة نظر إيجابية متفائلة، فيقول ناشط أخر: "ولا يهمنا احنا برضه ابطال افريقيا ولسة امالنا كبير اوى فى كأس العالم عسى ان ربنا سبحانه وتعالى يخلينا نحزن دلوقت على الخسارة دى عشان هنعوضها فى المكسب الكبير فى كأس العالم وان شاء الله تكون مصر تكون مشرفنا هناك وهى دى فعلا الفرحة الكبيرة اوى".