كشف الناقد الرياضي، أحمد عويس، كواليس نجاة الطائرة الخاصة ببعثة منتخب مصر، والعائدة من أوغندا، حيث كان من ضمن الصحفيين المتواجدين مع البعثة.

وكتب "عويس" عبر حسابه الشخصي على موقع "فيس بوك": "الحمد لله ساعه إلا ربع تقريبا الطيارة بتتمرجح.. كنا فاكرين إن دي مطبات هوائية عادية.. مهيب عبدالهادي بس اللي قال إن الموضوع صعب وقال إن احنا في أزمة".

وأوضح: "الموضوع كان هزار كله محدش كان عارف حاجة.. لما نزلنا حد من اللعيبة وزميل من الصحفيين اتكلمو مع الكابتن طارق عيسى، قالهم إن احنا دخلنا بين سحابتين والموضوع كان صعب لأن المسافة طولت والضغط زاد على الطيارة وكان ممكن تنفجر.. لأني شفت تعليقات من نوعية بص العصفورة عند بعض الزملاء".

واختتم "عويس" حديثه قائلًا: "الحمد لله ربنا ستر.. عايز أقول إن فيه ناس ضغطها علي ونزفت، وأنا قعدت أرجع لمدة طويلة، وناس عندها فوبيا كانت في حالة رعب جامد، وبرضه محدش كان عارف ايه اللي بيحصل غير مهيب الحمد لله".

وكان المنتخب الوطني، خسر أمام نظيره الأوغندي بهدف دون رد، في المباراة التي أقيمت أمس على ستاد مانديلا، ضمن الجولة الثالثة للتصفيات المؤهلة لكأس العالم بروسيا 2018، ومن المقرر إقامة لقاء العودة يوم الثلاثاء المقبل.