علق الإعلامي محمود سعد، مجددًا، على واقعة الفيديو المسرب لأحمد حسام ميدو، المحلل الرياضي، ومجدي عبدالغني، وحازم إمام، عضوي اتحاد الكرة، والإعلامي سيف زاهر.

وقال، في برنامجه «باب الخلق»، مساء الأحد، إن «الفيديو سئ وغير أخلاقي، وأنا إمبارح قلت (كما تدين تدان)، دي مسألة عايزة إعادة نظر».

وأضاف: «في فكرة في الحياة، لأن الناس ممكن تكبر، ويبقى ليها دور، مش مسؤولية».

وتابع: «على كل حال، إحنا بنحاول بنقول كلام على المتغطي عشان.. أنت لازم تصرف أمورك».

وكان «سعد»، قال في برنامجه، مساء السبت تعليقا عل نفس الفيديو: «أحيي روح المحبة اللى بينهم.. وأنا بقول أي شخص مصري تربى في أوساط شعبية، يستخدم تلك الألفاظ.. وهذه الألفاظ هي دي الصياعة بتاعتنا».

وأضاف ساخرًا: «أنا أول واحد ظهر على التليفزيون طلب السماح للمذيعين بالشتيمة 3 مرات في الحلقة، أو في الأسبوع.. نفك عن نفسنا شوية.. الواحد لما يتخنق يعمل إيه؟!! هيضرب دماغه في الحيط!! أبدا مش هضربها في الحيط.. وتوتر الهوا محدش يعرفه.. صعب جدا».

وتابع: «ميدو وحازم إمام وسيف زاهر ومجدي دار بينهم حوار لطيف، واحد عمل فيهم حركة اتعملت فيا قبل كدا.. بس الحوار ينم عن حب كبير جدا بين المجموعة اللي قاعدة دي».