كريم جابر 

سادت حالة من  السخرية و الاستياء بين رواد موقع التواصل الاجتماعى فيس بوك , بسبب ارتفاع اسعار تذاكر مهرجان الإسكندرية الدولى للأغنية , بعد قيام جمعية فناني ومبدعي الإسكندرية بطرح تذاكر الحفل بمبالغ مرتفعة حيث كانت تذكرة الصفوف الأولى ٧٠٠ جنيه، والتي يليها ٥٠٠ جنيه، لتنتهي بفئة ٤٠٠ جنيه , فضلا ً عن تضارب موعد انطلاق الحفل .

فى البداية قال وليد حسن " 700 جنية التذكرة لا نانسى عجرم تقعد فى لبنان أحسن , و قال محمد التهامى " هههههههههه 7٠٠ جنيه ده انا اعمل بيهم يوم جامد من غير نانسي , وليه ما أنا احط بـ ٥٠ جنيه بنزين فاضل ١٥٠ والعربيه ٤ أفراد كل واحد ١٥٠ بقوا ٦٠٠ نسهر سهره عناااااااب فى الساحل و عشاء عند خطاب " , و تابعت أمانى الاخطابى " اه والله حرام في حفله طيب ما في ناس هما اولي بالفلوس دي "

فيما سخرت رونى محمد قائلة لصديقتها دعاء " التذكره ب ٧٠٠ جنيه , انا قولت اشلك معايا وانا ليه اتشل لوحدى " , واضاف محمد إبراهيم , بضحكة ساخرة " التذكرة بـ 700 جنية بس ! , و قالت رحمة سعيد " لو نانسى هى اللى دفعتلى 700ممكن افكر انى احضر غير كدا لا طبعا " , وأكمل محمد عوض السخرية من الأسعار قائلاً  " التذكرة ب700جنيه , ليه هو احنا كفار " , و عبر أسامة عليوة عن غضبه من تضارب موعد الانطلاق قائلاً " منتهى عدم الإحترام إن ميعاد الحفلة الساعة 8:00 و لغاية دلوقتى الساعة 9:20 و مافيش أى حد حتى طلع على المسرح!!! "

وكانت إدارة المهرجان قد كتبت فى التذاكرأن الحفل سيبدأ في الثامنة مساءً و على الجمهور الحضور قبل الافتتاح بنصف ساعة على الأقل، غير أن الحفل تأخر أكثر من ساعة كاملة عن الموعد المحدد، ولم يحضرحينها رئيس المهرجان ولا أي من الضيوف، ولم يعلن المنظمين أي سبب للتأخير.