ناجي أنس

كان نفسي هو يحس بيا
ذي انت ماسكنت فيا
كان نفسي يبقي عايش ديواني
وحاسه ذيك
مش ديواني قالك عليا؟
كان نفسي أيوه يحس بيا
أناعشت ويا هواه سنيني
دالوقت هو ناسي هوايا
لاداري فرحي ولا أنيني
وناسي إنه علي طول معايا
دانت قابلتك يادوب ساعات
ودخلت جوه إحساس مشاعري
إحساسه ليه بقلبي مات
وانت عايش في حرف شعري
كان نفسي يبقي هو ذيك
في رقتك حنيتك
دي نظره منك انت كفايا
بتقولي فيها
ألف ميت مليون حكايه
بعنيك باحس
الرمشه منها بتهز قلبي
دي لحظه بس
حسيتها عمر ومالوش نهايه
انا عشت عمري أعشقه
واديت كتير قوي لقلبه
وهو ليه بقي مبدأه
ينسي إحساس داب في حبه
ماتقوله إنت يحس بيا
عشان ضميرنا يستريح
أنا خايفه أقوله ع اللي فيا
الكلمه مني ممكن تجرح
مش هو ليك أقرب صديق
طب ابقي قوله يكون رقيق
يحسني ذي اما قلبك حسني
عشان نكمل في الطريق
طول عمري باحلم بحب
يديني ود ويكون في عشقه
إحساس بند عاوزاه يكون
نار وبرد مرار وشهد
صعب سهل جنون وعقل
حضنه علي قدي وبس
احس بيه ويحس بيا
وأوسع كمان من أي دنيا
لما بإديه اشعر وأحس
يعني أما اقوله كلام يرد
مش يصد ويحط سد
وطريقنا يوسع
ويبقي ماله في الكون دا حد
ابعد كتير من أي بعد
شئ باحسه وعكسه نفسه
إيه يعني نبقي شئ وضد
ماهو دا معني الغرام
وده مش كلام
مش يعني معني كل اللي قلته
قلبه يعارض في كل حاجه ألقي تناقض
وأي عند
انا عاوزه حبه حاجه صعبه
ويبقي برده لعبه سهله
حياه وآه ساعات بتبقي الآهه حلوه
لو هي م الأحساس بجد
نفسي يكون شبهك إنت
يحس بيا واحس بيه
يرجع لقلبي ولكل حته
يعني اللي فيك يبقي فيه
ايه اللي خلاني اجيلك واندهك
دي اللمسه منك عشق وامان
وانا خايفه اني أعذبك
ويبقي حبك أخره ندم
وانتي عارف لما اوعدك
الوعد مني سبعين قسم
مقدرش اكون عاشقه
مبادئ واقبل اخون
ماانا قلبي عمره في يوم ماخان
نديله فرصه لكن أخيره
وانا عارفه اني باظلمك
بحط قلبك بيا في حيره
خليه يجيني انشا الله حتي يقلدك
في هدوء طباعك
في نظرتك وف انطباعك
وانا باوعدك تاني وتاني
افضل أحبك برضه فيه
مش عاوزه ابني قصر عشق
معاك واحلم وهو يبقي ذكري مره
وأهد قصر فضلت عمر
أبني فيه ايام جميله وأحلي عشره
بشرط تبقي من جوه قلبك
مرتاح و راضي
وتبقي قابل بس تعرف
ان طلبي غضب عني
يمكن يكون سذاجه مني
وحتفضل انت ملاكي ديما
اللي باحبه حب نادر
في قلب قلبي اجمل مشاعر
احلي خواطر
كلها حب وصفا
مانا العليل وانت الشفا
ارجوك لو انت رضيت تقول له تعرفه
ساعاتها نبقي ارتاحنا
من تأنيب ضميرنا
اوعدني انك تفهمه وتعرفه
حتعرفه ؟آه عرفه٠