وأضاف كريم عبد العزيز، خلال لقائه في برنامج "السيرة" للإعلامية وفاء الكيلانى، المذاع على DMC: "عرفت إن عادى ممكن الوالد ينفصل عن الوالدة بعد 20 سنة لما كبرت، ولكن أنا كنت مضايق وقتها لأنى بحب العزوة والعيلة، وبالرغم أن والدى ووالدتى انفصلوا وبشكل محترم لكن والدى كان متابع للمدارس والتربية وكل حاجة، ولما كبرت عرفت إن ممكن الراجل ميرتاحش مع مراته وينفصلوا أو العكس، ولكن لازم الانفصال يكون باحترام وشياكة".

وتابع: "أنا كنت شقى وأنا صغير وبعمل مشاكل كتير ومش بحب الروتين، وحتى كنت محتار أدخل معهد سينما ولا أكون طيار، ومكنتش فاهم إيه العلاقة بين المهنتين ولكن لما كبرت عرفت إن الاتنين مفيهومش روتين وهو ده سبب حبى ليهم".