تُعد كلية الآداب بكلية بجامعة الإسكندرية, إحدى الكليات العريقة والتي تُخرج مئات الطلبة كل عام, وبها العديد من الأقسام, الأول لغة عربية والثاني الإنجليزية والثالث لغات شرقية, حيث نشرت صفحة مباشر من الإسكندرية وهي أكبر و أهم الصفحات على مواقع التواصل الاجتماعي المُهتمة بالشئون السكندرية, أخبار ترددت الساعات القليلة الماضية, بإن هناك نية لدى السلطة التنفيذية داخل الجامعة بتغير اسم الكلية من الآداب إلى العلوم الإنسانية, وقابل التعديل هاشتاجات ما بين مُؤيدة و رافضة وأخرى ساخرة, حيث قالت نونا: هوه التطوير اللى قادرين عليه تغيير الاسم ياريت يغيروا الدكاتره المتحجرين في كل الكليات اللى مش بيسبوها الا لما يموتوا, فيما سخرت طالبة بالكلية تدعى روكا سعد, قائلة: ياساتر الحمد لله لحقناها قبل ماتبقي انسانية, فيما رأى كريم أحمد: عاوزين يسموها زى جامعة الازهر مهى مسميها فى الازهر اسمها دراسات انسانيه واعتقد دراسات انسانيه افضل بكتير من اداب وعلوم انسانيه, وقالت منى كريم: عادى جدا بدل ماننظف الشارع ونرصفه بنغير اسمه وهو يبقى تتطوير حنغير اسمها وهى هى, وقال مدحت الجندي: هو دا التطوير ولا بلاش, و المغزى هنا ان اسمها ميبقاش زي الاداب الي في البوليس, وسخر أحمد ميدو: اه والله هية كلها مليانة انسانية اساسا بالذات قسم الانجليش تحس انو بيبوخ انسانية كده, وقال عز الدين حسين: هو ايه موضوع تغيير أسامي الكليات؟؟ مش لاقيين حاجة جديدة يعني يعملوها؟؟ بلد تشل بصراحة, وقالت هند السيد: يعنى أنا هيبقى معايا, ليسانس علوم إنسانية, وقالت طالبة لزميلتها ساخرة: تفتكري هتفرق لو غيرو الاسم, وسخرت ميرنا كمال قائلة: والله من باب أولي انهم يلتزموا بالانسانية معانا, وقال نجدي: هو فيه علم لما يسموها علوم, وهل فيه إنسانية لما يسموها علوم إنسانية..فراغ, وقال عادل: عندهم فراغ مش عارفين يعملوا ايه, وسخر عمرو سعد قائلاً: بعد كده الطلبه هتقؤلهم انتم فى كلية ايه ؟ هيقؤلولك علوم,وقال مصطفى فهمي : لسة اعمال التجديد.. يانهار اسود دا من 2003 من ايام ماكنت لسة في المجمع, وقالت سوما عزمي: هماا ليه مصممين يمحوا كل حاجة ويغيروا منها».