دافعت الإعلامية ياسمين عز، عن الفنانة ياسمين صبري، بعد تعرضها لهجوم عبر مواقع التواصل الاجتماعي، قائلة «دي فاتن حمامة الجيل بتاعنا».

وأضافت «عز»، خلال تقديمها برنامج «كلام الناس»، المذاع عبر فضائية «إم بي سي مصر»: «الناس بتتكلم عن ياسمين صبري وعن مسلسل الشادر اللي اعتذرت عنه في هدوء تام، ومن غير ما تذكر الأسباب»، متابعة: «من حقها.. من حق أي فنان إنه يعتذر عن عمل».

وأشارت: «مينفعش حد يطلع يقول إنها لم تعتذر وأنه تم استبعادها، لأنها غير مناسبة للشخصية أو مش هتعرف تعمل الدور دا مينفعش وغير مقبول»، مردفة: «أما نيجي نتكلم عن ياسمين صبري مينفعش نقول كدا دي مش ممثلة جديدة».

وتابعت: «فيه حملة بتتعمل على الفنانة ياسمين صبري بقالها فترة ومش عارفين سببها مين ولا مين وراها، ومش قادرة أفهم سر شماتة البعض فيها بهذه الطريقة».

وواصلت ياسمين: مينفعش نقول إنها اعتذرت عن مسلسل الشادر لأنها مش مناسبة للدور أو مش عارفة تمثل.. الكلام دا عيب في حق نجمة كبيرة زي ياسمين صبري بقالها كتير بتمثل، وكل الجمهور حبها وحب طريقتها في التمثيل.

وأردفت: «ياسمين صبري نفس مدرسة فاتن حمامة في التمثيل وبتمثل بهدوء زيها، ودلوقتي اتطورت أكتر وحرام نقطع فيها وننتقدها كدا وتقدر تمثل كل الأدوار.. ولا عشان في حالها يبقى حقها مُستباح؟، وأول عمل ليها كلنا كنا منبهرين بآدائها وهي ماشاء الله عندها القبول والموهبة».