حل الفنان حازم إيهاب، ضيفًا لبرنامج رمادي، الذي تقدمه الإعلامية عبير بسيوني المذاع عبر حسابها الشخصي بموقع فيس بوك، وكشف خلال لقائه العديد من الأسرار حول حياته الشخصية بالإضافة لحديثه عن تفاصيل وفاة ابنه.

نرصد أبرز تصريحات حازم إيهاب في برنامج رمادي

اللي زي منة مراتي مبقاش موجود.

كنت قبل منة عايش علشان اللقطة وعلشان أبقى جامد وأبقى مشهور.

لما  منة كانت حامل في الشهر الخامس عرفنا إنه هيبقى فيه عيب خلقي في القلب.

سألت في الأزهر عن إجهاض الطفل قالوا يجوز إننا ننزله ولكن أنا مكنش عندي المنطق ده.

حسيت إني مش هقدر أسامح نفسي لو نزلته واكيد ربنا مش هيبقى عايزه يتعذب كنت بقول جايز ربنا يحط فيه معجزة.

يونس لما اتولد دخل غرفة العمليات ومنة مكنتش تعرف نقلناه المستشفي وكنت بقول لمنة إنه في الحضانة.

ابني كان مكتوب له إنه ييجي الدنيا ويقعد معانا 13 يوم ويروح للي خلقه كان ضامن الجنة.

لما توفي يونس كلمت حد يحجز لي قاعة عزاء وبعدين اكتشفت أن الأطفال مفيش لهم عزاء.

إمام المسجد قالي الأطفال مش بيصلى عليهم ده إحنا نتمحنك فيه علشان يدخلنا الجنة.

أعمال حازم إيهاب

وشارك حازم إيهاب في مسلسل وجوه، الذي عُرض في الماراثون الرمضاني لعام 2022، وضم المسلسل العديد من الفنانين، منهم: حنان مطاوع، حازم إيهاب، محمود عبد الغني، هالة فاخر، وهو من تأليف محمد علي إبراهيم، وإخراج معتز حسام.