قال الفنان أحمد فهمي إن بعض الفنانين يستخدمون السوشيال ميديا في خلق انطباع غير حقيقي عن نجاح أعمالهم، وخاصة في موسم رمضان.

وأضاف خلال استضافته في برنامج “مساء dmc”، الذي تقدمه الإعلامية إيمان الحصري عبر قناة dmc: “زمان كل حاجة كانت أحلى، رمضان والعيد، وحتى النجاح في الشغل كان طعمه أحلى، دلوقتي كل حاجة بقت مزيفة، وبتوع التريندات أكثر ناس بينجحوا في رمضان”.

وتابع: “نجاح العمل بيظهر في الشارع، وكل واحد دلوقتي عنده فريق سوشيال ميديا، وأنا عندي فريق سوشيال ميديا لكن عمري ما أستخدمه علشان أزيف حقيقة وأقول إني رقم واحد في رمضان لو أنا مش كده، ممكن أبقى ناجح، مش شرط كل سنة مسلسلي أو أغنيتي تبقى رقم واحد”.

تحدث أحمد فهمي خلال اللقاء عن حملة هجوم تعرض لها من ممثل شهير قائلا: “لما عملت مسلسل رجالة البيت مع أكرم حسني حصل هجوم كبير على المسلسل، ووقتها استغربت لإن الهجوم كان عنيف حتى لو في واحد المسلسل مش عاجبه”.

وردا على سؤال عن سبب وقوف ممثل شهير خلف تلك الحملة، قال: “كان في مشروع بيني وبينه وأنا محبتش أعمله، وهو بيعمل كده مع ناس كتير”.