شهدت الساعات الماضية، هجوم متبادل بين محمد سراج الدين عضو مجلس ادارة النادي الأهلي، وتركي آل الشيخ مالك نادي ألميريا الاسباني ورئيس النادي الأهلي الشرفي عبر موقع التواصل الاجتماعي "فيسبوك".

وكان مسؤول النادي الأهلي قد نشر رسالة عبر حسابه الشخصي طالب بتدخل الدولة لعلاج فيروس "عجوز" واخر "عيل مستجد" على الرياضة المصرية. (طالع التفاصيل من هنا).

وكتب آل الشيخ من خلال صفحته الرسمية بموقع التواصل الاجتماعي "فيسبوك" "هوا مين الهلفوت ده محمد سراج الدين؟ ايه موقعك من الاعراب بس قبل مرد عليك يا هلفوت؟".

وقام عضو مجلس ادارة النادي الأهلي بالرد عبر حسابه الشخصي بموقع "فيسبوك" "هو انا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري بس افتكر انه كان علمني كمان ان الكرامة دي اعلى واهم صفات الإنسان وان عمري ما اقبل اي تجاوز في حقي".

وأضاف "انا بشفق عليك حقيقي لأنك ملقتش حد يربيك تربية سوية أو يعلمك ان مش كل حاجة المظاهر والشو والهبل اللي بتعمله ده اللي خلاك مسخة أمام العالم كله".

وواصل " في قيم ومعاني واصول اهم وأسمى من كده بكتير بس انت معذور متعرفهاش بحمد ربنا اني اتربيت كده".

وشدد "وانا مش بشوفك يا تركي ال شيخ من اول يوم غير واحد ناقص وجاهل وهفضل اشوفك كده على طول وعلى فكرة انت مش كاسر عيني وانت عارف كده كويس ولا عمرك هتقدر في أحلامك حتى تكسرها ولا انت ولا اتخن تخين".