سعت زوجة الفنان أحمد السقا، المذيعة مها الصغير، إلى إنقاذ زوجها من الوقوع في فخ سؤال وجهه أحد الإعلاميين لزوجها، إذ سأله حول استعداده إلى حضور حفل الفنان تامر حسني في الجونة، احتفالًا بإطلاق ألبومه الغنائي الجديد «خليك فولاذي»، وتحديدًا بعد إعلان «السقا»، منذ أسابيع إنزعاجه من موقف لـ«حسني» وتصالح في النهاية الفنانان، لذا بدلًا من دخول «السقا» في التفاصيل أنهت زوجته الحوار سريعًا.

وكان الإعلامي قال للفنان، خلال برنامج «mbc trending»، المذاع عبر قناة «mbc 4»: «تامر حسني هيطلق ألبومه هنا بالجونة، عزمك؟»، لذا رد في المقابل، قائلًا: «لا هو لسه معزمنيش بس تامر أخويا يعني مش محتاج عزومة يعني.. وهروح إن شاء الله»، لتقاطعه زوجته فجأة وتقترب من المايكروفون قائلة: «هو هيروح».

ويرفض «السقا» الصمت عقب مقاطعتها، لذا تقول لزوجها: «ممكن أقول حاجة؟» وتوجه كلامها إلى الإعلامي: «هو أكيد هيروح وأنا عارفة أنت بتقول كده ليه على فكرة»، ويستكمل الفنان: «مافيش حاجة بيني وبين تامر عشان تكون فاهم على فكرة»، وكان «السقا» عبر عن إنزعاجه من «حسني»، خلال برنامج «السيرة»، الذي تقدمه الإعلامية وفاء الكيلاني، وقال: «تفاجئت بصورتى على بوستر العمل (فيلم الفلوس) وهذا الأمر ضايقنى».

وأضاف «السقا»: «لو تامر حسنى قابلنى وقال لى كلمتين حلوين أقبل اعتذاره، وأنا شخصيا بطبعى مسامح، مسامحك يا تامر». ورد «حسني» في المقابل، عبر صفحته الشخصية بـ«انستجرام»: «حبيبي وأخويا وصديق العمر ونجم الدنيا كلها أحمد السقا، كنت أتمنى إنك تكلمني بيني وبينك لو كنت زعلان من أي حاجة أو فاهم أي حاجة غلط، لأن الحاجات دي لا يمكن تفوتك وأنا كنت أتمنى مكتبش الكلام ده هنا بس عشان بعد كلامك في التلفزيون الجمهور الكريم بقى ليه حق إنه يفهم الصح».

وتابع: «عشان أفكرك بس، إنت كلمتني وقولتلي خبر في موقع وعليه صورة افتراضية للفيلم وكاتبين إنك بطل في الفيلم.. وأنا رديت عليك إن دي اجتهادات صحفية والصورة من تصميم المحبين اللي أكيد فرحوا بالخبر إننا مع بعض، حتى أنا مقولتش إن دي الشركة المنتجة لأنها شركة كبيرة لا يمكن تعمل كدا، لأن الفيلم متباع للخارج والداخل باسم أخوك تامر حسني، وأصلًا أفيش الفيلم الرسمي نزل والناس كلها شافته وإنت مش فيه ولا فيه اسمك وكل الأبطال طالعين مرسومين، معرفش زعلك من إيه الحقيقة، كان ممكن تزعل لو الكلام دا نزل على صفحتي أو صفحة الشركة المنتجة».

واستكمل: «وأنا شرحتلك دا من سنة واتكلمنا بعدها مرتين، مرة عيدت عليك في عيد ميلادك والتانية بخصوص برنامجك لو كنت لسه زعلان كنت هتقولي ساعتها، الفيلم بقاله سنة يا أحمد، أخيراً بقى مستحيل الشركة تروج أو أنا أفوت أو أسمح باستخدام اسمك كبطل للفيلم وإنت مش فيه، لإن دا هيعود علينا كلنا بالضرر لإن الناس هتدخل الفيلم مش هيلاقوا الكلام دا، فيبقى إحنا كدا بنضحك على الناس وضرينا الفيلم ولأن أكيد يشرفنى إن احنا نمثل مع بعض بطولة مشتركة لأنك حبيبى بجد ونجم أنا بحبه من قلبى فعلًا».