" أثر الكبت و الضغط النفسي "

بقلم / محمد على الفقى

بداية لا يوجد شئ فى الكون اخطر على الإنسان من الكبت والضغط النفسى لا عواقب مادية ولا عواقب جسدية بل هما اثر العواقب النفسية مع الوقت الضغط النفسى هيوصلك لمرحله مريبه جدا من الإضطراب النفسى" مرحلة كل حاجه و عكسها اللى هو مش بتعمل حاجه بس مش فاضى حاسس بالوحدة بس مش عاوز تكلم حد تيجى على بالك حاجة تحب تسمعها تشغلها فى الهاند فرى و تتفاجئ انها خلصت من غير ما تسمع كلمه منها تعمل القهوه او النسكافيه بتاعك و تسيبه لحد ما يبرد قدامك عندك خطط كتير بس مش وقتها مفيش حاجه مبهرة او حاجه تشد انتباهك او تخطفك شعور عالى بالتقل "انت اللى تقيل على نفسك مش حد تانى" ، حاسس بحاله من انعدام الشعور بكيانك زى ما تكون مش موجود "هواء" مستنى حاجه بس مش عارف إيه هي و امتى و فين و ليه و مع مين ،شعور اللى هو انت هنا اهو و موجود بس عقلك و ذهنك فى وادى تانى خالص و دي اسوأ مرحله ممكن تمر بيها فى نهاية كدا دا هتلاقى كل شئ فى حياتك سراب قاوم انهض حب نفسك عيش كل لحظة فى حياتك استغل كل ثانية اى وقت بيعدى من عمرك فى جملة جميلة جميلة محتاجة تركز فيها كويس "فى فرق بين انك بتمارس حياتك وبين انك تعيشها " عيش حياتك اوعى تمارسها كل لحظة فى عمرك غالية اوى عيشها صح خليك مقتنع دائما أن الحياه رحله طويله مينفعش تقف بيك عند موقف أو شخص معين ياما كتير وقفوا بعد بدايات كانت مليانه شغف وطموح وحب وكانوا من أسعد الناس ولكن بمجرد موقف معين بيغرلهم مجري الحياه أو بمعني اصح بيوقف حياتهم بيقتل نجاحهم وأحلامهم مش بنقلل من الضغط النفسي ولكن بنحاول نتعرف علي عدو عشان نتجنبه ونتجنب اي عامل ممكن يوصلنا ليه حياتنا جميله واحنا لازم نحافظ ع الجمال ده ونبعد عن أي مشتتات واي حاجه ممكن توصلنا لضغط نفسي حتي لو شخص عزيز علينا أو اى شئ كان
اختار ازاى تعيش حياتك اختار اللي يشاركك رحلتك اختار اللي يدعمك ويبقي حافز ليك ديما واوعي تقف ف نص الطريق انت اقوى من الكبت والضغط النفسى .