كريم جابر

مشكلات وأزمات عديدة تعصف بصيادي الإسكندرية وتهدد مصدر رزقهم الوحيد وأحد أهم المهن الشهيرة بالمدينة الساحلية‏..‏ تلك المشكلات طرحها الصيادون امام المسئولين من خلال موقعنا لإيجاد حلول عاجلة لها‏.‏

نشرت أحد الصفحات المُهتمة بالشئون السكندرية, ازمة تصاريح الصيادين الذين تجاوز أعدادهم 10 آلاف شخص, وتُعد المهنة هى الشىء الوحيد لمصدر رزقهم, وبحسب الصفحة, فعند تقدمهم بشكوى للمسئول المنوط بالتصاريح, قال لهم أنا معنديش حاجة اسمها آكل عيش».

وعن هذه المأساة يقول,حسن صراف:ياريت يبقى فى استجابه من المسؤولين علشان احنا بجد جبنا اخرنا وربنا يستر من الحيحصل بعد كده الناس مش لاقيه حد تشحت منه فلوس, وقال أحد المتضررين ويدعى مؤمن شيطا: ياجماعة الموضوع صح وانا من ضمن المتضررين بس باذن الله احنا ماشين فيه وربنا يسهل ويتحل من جذوره وهيبقى لينا كيان ثابت وقانونى ، ناس كتير مهتمة, وقال أحمد تركي: فيه ناس ميعاد السروح من ٦:٠٠ الى ٧:٠٠ صباحاً عشان تلحق ترجع للبر قبل المغربية و دول ملهمش دعوة في اللي بتتكلم عنه لأنهم بيسلموا البطايئ عند السواحل و حتحس بحجم الضرر, وقالت مروة صلاح: ده مش بس فى أبو قير ده كمان فى ميامي الصياديين واقف حال بيوتهم مش مكفيهم يحربونه فى اسعار السلع لا و كمان بيحربونه فى لقمه العيش حسبي الله و نعمه الوكيل فيهم, رزق ولادنا أه يا بلد الظلم يا بلد اليقدر فيكى مش بيعفي, وقال وليد:في نظام يافندم وبسبب بعض الصيادين الشمال الحسنة تخص والسيئة تعم و الهجرة الغير شرعية في تشديد حتى لو الصيادين مش هيطلعوا على أكل عشهم عادي, وقالت سيدة: بصراحه الناس بقت همجيه لو كل واحد يقف ف الطابور هيخلصوا بسرعه ونظام مش بالمنظر دا برده العسكرى دا بنى ادم وليه خلق واكيد الناس مش ملتزمة بأي تعليمات المصرى معرووف, وقال يوسف عبد الله : يعني هو العسكري ده ولا الظابط شغال علي مزاجه مخابرات حرس الحدود عملت نظام للصيادين عشان البحر ده مكان حدودي يعني لازم نعرف مين خرج البحر وخرج امتي ورجع امتي ولا يتهرب السلاح والمخدرات والبشر وكل حاجه تدخل وتطلع من البلد من غير رقيب ولا حسيب, انت صياد خليك في الصيد هو ظابط اوعسكري سيبه يشوف شغله من غير افتي ولو الناس نظمت نفسها والتزمت كله هيمشي بسرعة,ارجوا محدش يزعل مني بس ده المنطق وطبيعة الامور كل واحد له شغله ولو كل واحد عمل شغله بس من غير ما يفتي في شغل غيره والله هنرتاح كلنا, وقالت نور العلا: حسبي الله في كل ظالم وكل واحد مش حاسس بغلابه دول مش الصيادين بس بكل مظلم في مصر».