ناجي أنس

الحياه مش صعبه خالص

هي سهله عاديه جدا

لكن اللي إيمانه ناقص

أكيد يعشها صعبه طبعا

الحياه فيها متاعب

باقيه علي حالها ومشاكل

واما تديلك مناصب

هي زايله وانت زايل

الحياه بنعيشها مره

يا تحن يوم يا  تجرحك

حلوه كانت ولامره

عيشها صح تفرحك

الحياه بتبدأ وتخلص

ماشيه واقفه بيد ربك

وانت عمرك مش حينقص

أو يزيد فيها بيدك

الحياه لعنه للي

يلعن العيشه اللي فيها

وانت كون واعي تمللي

اوعي تغضب يوم عليها

الحياه مش ملك حد

هي بإدين رب خالق

عيشها يعني هزار وجد

اصلها بتجري في دقايق

الحياه خدها بحالتها

واعرف انك فيها عبده

لو في حاجه صعبه فتها

ولا خدها بالراحه برضه٠