محمد التاجي، نصح الفنان محمد التاجي بتجنب التعرض للضغط العصبي والنفسي بسبب خطورته الشديدة على القلب.

وقال في فيديو له عبر صفحته بموقع فيس بوك إنه يعاني من مرض الرفرفة أذينية في القلب، وعندما تعرض للضغط النفسي مرة أخرى، اكتشف إصابته بقصور في الشريان الدائري.

وأضاف، الأطباء أخبروني إني لازم أعمل قسطرتين واحدة عشان ضفيرة القلب والأخرى عشان الشريان، على الرغم إني مش مدخن ولا عندي كوليسترول في الدم ولا حاجة.

وتابع، أنا بقولكم مفيش حاجة في الدنيا تستاهل إننا نوصل نفسنا لضغط ومهما اضغط علينا من الآخرين إنك توصل لمرحلة تمرض نفسك بنفسك من كتر التفكير والضغوط والعصبية اللي جواك يحصلك حاجة.. خففوا على نفسكم متاخدوش كل حاجة على صدركم.

وأختتم: أنا عارف مين حطني في المواقف دي، مش هقول منهم لله ولا هدعي عليهم، أنا مسامحكم والعفو عند المقدرة واللي مكتوبلي في الدنيا دي أنا هشوفه على الأقل في الفترة اللي فضلي في الدنيا دي أننا نعيشها في سلام، الله يقويني على الوضع اللي أنا فيه ودعواتكم ليا.