ردت فريدة شريف منير، على الرسالة القاسية التي وجهتها والدتها الفنانة لورا عماد لها ولشقيقتها «كاميليا»، مساء الأحد، عبر حسابها بموقع «إنستجرام».

وعلّقت «فريدة» على ما نشرته والدتها عبر حسابها على انستجرام في تعليق قائلة: «ليه بتعملي كده؟ ليه بتخلي شكلنا كده قدام الناس؟».

وردت والدتها عليها قائلة: «أنتوا بتموتوني كل يوم.. وأنتي عارفة كده كويس.. ربنا يهديكي.. صحيح الزّن على الودان أمر من السحر».

أما عن كاميليا، فأنكرت ما قالته والدتها في رسالة العتاب، حيث علقت في تعليق على منشور والدتها بموقع انستجرام قائلة: «عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده».

وردت عليها والدتها قائلة: «أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم».

رسالة عتاب لورا عماد لابنتيها

وجهت لورا عماد زوجة الفنان شريف منير رسالة عتاب قاسية لابنتيها بسبب بعدهم عنها، وذلك عبر فيديو بحسابها الشخصي بموقع التواصل الاجتماعي لتبادل الصور والفيديوهات القصيرة “انستجرام”.

وقالت لورا عماد: رسالة إلى بناتي فريدة وكاميليا بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي.

وواصلت: بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام.

وأختتمت لورا عماد: بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي.