صابرين، قدمت الفنانة صابرين مجموعة نصائح للنساء من أجل نضارة البشرة والحفاظ على جمالهن لفترة أكبر.

وقالت صابرين خلال لقائها مع الإعلامية لميس الحديدي: بحط لبان دكر على وشي، واللي بيحب الكوارع ياكلها على طول لأنها فيها كولاجين ومش بتخن، وطبعا نهتم بفيتامين سي، وأكتر فاكهة بحبها في حياتي برتقان ويوستفندي.

وأضافت: البوتوكوس والفيلر مش تجميل، التجميل يعني شد الرقبة لكن أنا مش بحب الحاجات ديه وبخاف منها، لأني شوفت ناس بوقها اتعوج وبقت خذ وخذ، أنا بخاف من كدة.

وتابعت: ساعات مش بحب التجاعيد، وساعات بحبها أوي لو هتخدم الشخصية.