كريم جابر

«ارتفع سعر كرتونة البيض لنحو ٣١ جنيهًا فى المزرعة، وللمستهلك ٣٥ جنيها أيضاً لارتفاع أسعار الكهرباء والعمالة والكراتين التي يتم وضع البيض», كان هذه الجمل جزءاً من تصريحات,عبد العزيز السيد، رئيس شعبة الثروة الداجنة بالغرفة التجارية بالقاهرة, والذي أعلن عن زيادة جديدة في البيض الذي يُعد من الأطعمة المفضلة للعديد من ملايين المصريين, و جاء هذا بالإضافة إلى زيادة في سعر الدواجن, حيث إرتفع  سعرها ليصل سعر الكيلو الحى إلى ٢٢.٥ جنيه الذى يتم استلامه من المزرعة، حتى يصل إلى المستهلك بسعر يتراوح ما بين 25 و٢٧ جنيها, فضلاً عن الغلاء المُنتشر في كافة المنتجات في الأسواق.

وكالعادة, وبدون جديد, يتحمل المُهمشون والفقراء من ملايين المصرييون, الغلاء والزيادات, ومنهم من امتنع عن بعض المأكولات, مثل اللحوم والدواجن.

وعقب الزيادة في كرتونة البيض, انتشرت على صفحات السوشيال ميديا السكندرية, حملة تطالب المواطنون بمُقاطعة هذا المُنتج, وسلطت أحد الصفحات المُهتمة بالشئون السكندرية, الضوء على الحملة,قائلة: قاطعو البيض حتى يبوظ أو يفقس, الطبق وصل 38جنيه, يعني لو عايز تاخد كرتونة للعيلة شاور عقلك, فكر صح وبلاها بيض,موقف ضعيف جداً لأن البيض لو عدى عليه فترة مُحدده ممكن يخرب ومفيش أمامهم غير التخفيض السعر».

ولاقت الحملة صدى رائع, حيث علقت مواطن قائلاً: وصل سعره اليوم ٤٥ج لابد من المقاطعة لمدة شهر وكل غيور علي كرامته يقاطع ويحلف بالله انه لن يشتري البيض مهما حصل حتي يسأل يوم القيامة ولا يحنث بيمينه مرة واحدة نكون رجاله ومخلصين ونشوف النتيجة, واتفق معه أحمد جمعة,قائلا ً:المقاطعة هى الحل ، والله ياما قلت كدة لو احنا عندنا ثقافة المقاطعة فى كل حاجة محدش هيقدر يتحكم فى الناس ، تخيل معايا لو الناس قاطعت وليكن الاجهزة لمدة شهر غصب عنهم مش هيقدروا يتحدوا الناس فما بالك الحاجات الغذائية اللى مكسبها يومى أسبوع واحد كفيل انهم ينزلوا سعرها للنص ، المقاطعة هى الحل,وأضافت نجلا حموده : وهى المشكلة فى البيض و باقى السلع لما الدولة ترفع سعر الكهرباء و المياه و الغاز و الضرائب و الاعلاف و الاسمده و تعمل قانون افلاس التاجر و الفلاح يبيع بخسارة و العماله», وأكمل أيمن المصري: بعد فتره وجيزه مش هتلاقوا بيض أصلا لان التكلفة أغلي من الانتاج و ذلك لارتفاع أسعار الأعلاف و الادويه لأكثر من الضعفين.. و بناءاً عليه معظم المزارع ستغلق و تسرح عمالتها»,وقال مجدي قنديل: مش عارف الناس تقاطع ايه ولا ايه..أساس المشكله تعويم الجنيه الزي جعل كل شيء يقفز حوالي الضعف.. ومن قروض البنك الدولي,وتابع عمرو البراحي: هنقاطع بيض ولا فراخ ولا لحوم ولا رز ولا مكرونه ولا سكر ولا زيت ولا باميه ولا طماطم ولا مواصلات ولا سجاير ولا إيه,وقيمه الفلوس بتقل والسلع بتولع ومفيش دخل ايه الحل ايه الحل نسرق ولا نشحت ولا نموت الغلاء والجشع و الاغنياء مش حاسين بحاجه والحكومه عاجزه فى الاخر للمصرين رب اعلم وقادر ومقتدر,وقال إسلام توفيق: طيب العلف وزاد الضعف وكذلك الأدوية والكرتون والنقل والعمالة كل زاد الضعف وعندك نسبة نافق ثانيا قاطع يا حبيبي أرخص بروتين حيواني براحتك وعاوز حل بقا اعمل عشة فراخ وربي في بيتك وجرب, وكان لمحمود البرديسي رأياً آخر حيث قال: ولما نخرب بيت التجار نحل كل المشاكل,وتبقى مصر أحلى ونتعامل بالمقايضة,يعنى انت مدرس تعطى ابنى درس وانا اكشف على ابنك لأني دكتور ,حتى لو ماكنش مريض.