وجه الإعلامى تامر أمين رسالة قاسية لمروان محسن لاعب النادى الأهلى بعد إهداره ركلة ترجيح بمباراة الأهلى وبالميراس بكأس العالم للأندية، قائلا: "أنا مش عارف أقول أيه أبوظ الفرحة يعنى.. انت مش عارف تعمل حاجة خالص".

وأضاف تامر أمين، خلال تقديمه برنامج " آخر النهار" المذع على قناة النهار، أن "مروان ساب الجول الفدان وضربها فى القائم.. فى أيه بس.. أيوه أنت لعبتها حلو بس هى مش ماشية معاك.. مش مكتوباك.. انت مهاجم كويس بس إمكانياتك مش ماشية مع الأهلي.. فممكن تروح نادي تاني تشوف الدنيا".

وأشار تامر أمين إلى أن " لو الأهلى خسر اليوم كانت ستقوم الدنيا على مروان محسن.. قدرنا مروان فى الأهلى".

وحصد الأهلى برونزية بطولة كأس العالم للأندية عقب الفوز على بالميراس البرازيلي بنتيجة 3 / 2 في ركلات الترجيح بمباراة تحديد المركزين الثالث والرابع بعد انتهاء الوقت الأصلي بالتعادل السلبى.