وجه مغني المهرجانات الموقوف حمو بيكا رسالة إلى طلاب الثانوية العامة والكليات بمناسبة حلول موسم الامتحانات، مطالبا منهم ألا يتخذوه قدوة لأنه لم يتعلم.

وقال بيكا في منشور عبر صفحته الرسمية على «فيسبوك»: «هو انا اه مش متعلم واخدت محو الأمية بالعافية ، لكن ده مش حاجة تفرح ولا تقول عندك بيكا أهو مش متعلم بس ناجح، صدقوني والله طعم النجاح مع العلم مختلف تمامًا عن طعم النجاح من غير علم».

وتابع: «العلم بيفرق في كل حاجه في الدنيا، كمية معاناة بشوفها يوميًا بسبب إني مش متعلم كبيرة أوي مش بتمني حد منكم يشوفها أو يتعرض لها، العلم بيستر كتير أوي وبيخليك واعي ومتفتح في كل مجالات الحياة».

وواصل: «هو اه الشارع علمني كتير، بس مش زي المدارس والجامعات، حتي لو مش هتشتغل بشهادتك وحتي لو دخلت كلية مش بتحبها، بس يكفي إنك متعلم ومعاك شهادة تقدر تسد بيها عين الشمس.. اتعلموا وخلوا بالكم من تعليمكم وشهاداتكم لأنها هتفرق كتير أوي معاكوا ومع عيالكم بعد كده».

وختم منشوره قائلا: «أنا آه ما دخلتش مدارس وماتعلمتش، بس حابب كل اللي حواليا ناجح ومتعلم وإوعي يوم تقول أهو فلان ناجح بس مش متعلم».