انفعلت الإعلامية رضوى الشربيني بشدة بعد تلقيها رسالة من متابعة لبرنامجها "هي وبس"، تحدثت فيه عن الانفصال وكأنه يقلل من قدر المرأة، ورفت رضوى صوتها قائلة: "أنا منفصلة وبقولها بفخر، ومن حقي أتزوج مرة واثنين وثلاثة وأربعة، لأن ده شرع ربنا، ولو زوجي لا يرضيني سأطلب منه الطلاق فوراً وأبحث عن غيره".

تابعت رضوى الشربيني مؤكدة أنها منفصلة هي الأخرى، وأنها لا تعتبر ذلك عيباً بل هو دليل على القوة، وقالت: "أنا منفصلة.. منفصلة دي يعني عندك عيب؟ ناقصك حاجة؟ أنا رضوى الشربيني منفصلة، وبشتغل وباخد بالي من بناتي وصحابي، وعايشة وكويسة ومبسوطة وراضية وشاكرة ربنا، ما تتجوزي مرة واتنين وتلاتة مش حلال ربنا؟".

أضافت: «مش عاوزة واحدة فيكم تقول جملة “أنا منفصلة” بالطريقة دي تاني، إحنا هنرضى بقليلنا يعني عشان منفصلين؟ أنا منفصلة عشان مقبلتش على نفسي حاجة ناس غيري قبلتها.. أنا أقوى إني قلت لا».

وواصلت الدفاع عن حالتها الاجتماعية قائلة: "أنا منفصلة ومحدش يقدر يتكلم عليا لأني ست محترمة، وبعد كده بيبقى أحسن وأجمل وأقوى، انفصلي وعيشي ولو لقيتي ابن الحلال تاني تمام، ملقتيش تمام".