انهارت الإعلامية رضوي الشربينى مساء أمس، على الهواء مباشرة في أول ظهور لها بعد وفاة والدتها، أثناء تقديمها لبرنامجها «هي وبس» الذي يذاع عبر شاشة قناة cbc.

وظهرت رضوى، وهي في حالة انهيار تام من البكاء متحدثة عن الكابوس الذي عاشت فيه طيلة 50 يوما، ولكن كانت المفاجأة التي لفتت انتباه جمهورها هي إشارتها في نهاية حديثها عن الأزمة التي مرت بها، اختصت بذكر شخص واحد بعينه، وجهت له الشكر دون أن تذكر من هو، حيث قالت «بشكر شخص معين وهو قاعد يتفرج عليّ دلوقتى وقف جنبي أنا بشكره».

وقالت رضوى الشربيني إنها عانت كثيرا على مدار أكثر من شهر ونصف الشهر نتيجة مرض والدتها بفيروس كورونا حتى رحيلها «كان عندي كابوس مدته 50 يوما، مش قادرة ومش عاوزة اتكلم عن تفاصيله دلوقتى، هتكلم عليها لما أقدر أتكلم عليها، لكن احنا كان لازم نطلع لأن عندنا رسالة والرسالة دي لازم نكملها، كمان كان لازم أطلع علشان أنا هي هي نفس الست اللي قعدت 5 سنين تقولكم إن مع العسر يسر، وإن مهما حصل ومهما الواحد مر بحاجات مش كويسة لكن ربنا موجود».

وتابعت: «اختبار صعب والحياة امتحان، كل واحد فينا عنده امتحان شكل وكل واحد فينا بيمتحن قدر استطاعته، لكن أنا هي هي الست اللي كانت بتقولك هتعدي، وأنا كمان متأكدة انها هتعدي بالصبر والدعاء والصلاة، هتعدى وأنا طالعة النهاردة رغم أني كان عندي الاختيار مطلعش إلى بعد رمضان، لكن أنا صممت إني أطلع علشان زي مبشجعك أنا بشجعني».

كانت والدة الإعلامية رضوي الشربيني، قد توفيت مؤخرا بعد تعرضها لوعكة صحية شديدة بسبب إصابتها بفيروس كورونا المستجد.