احتفلت الإعلامية رضوى الشربيني، مقدمة برنامج "هى وبس" على قناة "cbc سفرة"، بعيد ميلادها الواحد والأربعين، مقدمة الشكر لكل من قدم لها التهنئة والمعايدة بهذه المناسبة ووصفتهم بأنهم "أحلى حاجة في الدنيا".

ونشرت رضوى، عبر حسابها على انستجرام، صورا من احتفالاتها بعيد ميلادها، صحبتها بتعليق: "أنا كده تميت 41 سنة ومش عارفه أنا كده كبرت ولا إيه.. ربنا يستر بقى"، مضيفة: "‎لكل أهلي وأصحابي وحبايبي.. شكرا على كل كلمة وكل ‎معايدة ورسالة ومكالمة تليفون، أنتم أحلى حاجة في الدنيا، اللهم عاما من الصحة والستر".

وفي وقت سابق من هذا الشهر، وجهت الإعلامية رضوى الشربينى رسالة نارية لكل رجل خائن ومخادع وغدار، خلال برنامجها "هى وبس"، قائلة: "ليه لما بتنتهى الحكاية يتقال عليك خاين أو مخادع أو راجل غدار.. كل بنت انت بتدخل معاها فى علاقة أو بتديها كلمة أو بتديها أمانى وبعدين ما بتنفذش كلامك وتكتشف البنت إنك مخادع ده ذنبه عند ربنا كبير جرح قلوب البنات مش سهل".

وأكملت فى رسالتها للرجال: "اختاروا اللي تليق على حياتكم اختاروا اللي تليق على شخصيتكم .. في واحدة تقبل إنك تتجوز عليها واحدة تانيه لأ.. لو إنت من الرجالة اللى عاوزة تتجوز مثنى وثلاث اختار الست اللى تقبل ده ليه تختار ست مش قابلة ده".

وأضافت للرجل الخائن "لما بتعرف واحدة واتنين وتلاتة وخمسة على بعض فى نفس الوقت! هما مش بنى آدم زيك عندهم مشاعر وكرامه وكبرياء".

ووجهت للسيدات كلمة قائلة "الست أو البنت مسئولة اكتر من الراجل الخاين او المخادع في العلاقة كنتي فين وهو بيهمل فيكي ! لازم تتعلمي تقولي لأ ولازم لما تقولي لأ تبقى لأ".