سلوى عثمان، تصدرت الفنانة سلوى عثمان، اليوم الخميس، تريند موقع البحث الأشهر جوجل بعد تصريحاتها عن ندمها للمشاركة في مسلسل العطار والسبع بنات، بطولة الفنان الراحل نور الشريف.

وقالت سلوى عثمان في تصريحات تليفزيونية: كل حاجة عملتها في مسيرتي الفنية كويسة، ما عدا حاجة واحدة عملتها زمان وهو دوري في مسلسل العطار والسبع بنات، وده بالنسبة لي نقطة سودة جدا.

وأضافت سلوى عثمان: أستاذ مصطفى محرم "مؤلف المسلسل" قالي أنا كاتب الدور ده ليكي، ولما دخلت أصور اكتشفت أنه مفيش دور وكنت خلاص صورت، وكان فيه حاجات على الورق متعملتش، والدور طلع سيئ جدا، ومكنش ينفع أصلا أعمله من البداية.

وتابعت سلوى عثمان "ابنة الفنان الراحل عثمان محمد علي": تعرضت للانتقاد من ناس كتير بسبب دوري في هذه المسلسل وإني وافقت عليه، وكان ردي إني أخدت ورق واللي اتقالي غير اللي اتعمل.