بقلم : شروق كامل

عايشة دنيتها لحالها
راسمة احلامها ف خيالها 
رافضة حتي ف يوم تبوح
باي حلم احسن يروح
مهما تتقفل قصادها
مهما تتعقد حياتها
قادرة تضحك …
وفصراع صعب وطويل 
قادرة تمحي المستحيل
قادرة تتحداه بقلب 
فالبراءة مالوش مثيل
قلب عاش فوق عمره عمر
قلب داق ف الفرحة مر
بس رافض انه يرضي
لامر واقع او يسلم
انه م الاحلام هايفضي
او حياته ف يوم تضلم
هيا مش مجنونة خالص
ولا برج ف راسها ناقص
هيا بس مامنه انه لحزنها ده حدود
حتي لو كان في مليون طريق مسدود

ف الاكيد انه فحياتنا

ربنا موجود