يُعد رغيف العيش أحد أهم السلع و العناصر الأساسية في حياة المصريين, فمنذ أقدم العصور يُعد الخبز طعاماً أساسياً في بيت أي مصري, وصباح كل يوم تجد الملايين, في جميع محافظات مصر, أمام المخابز, للحصول على رغيف العيش.

رغيف العيش"لم ولن يمس", بهذه الجملة أكد الرئيس السيسي, أن رغيف العيش كان بيتكلف 40 قرش، وحاليا 65قرش، ورغم ذلك لن يحدث له شيئاً.. احنا بنطلع كل يوم، 90 مليون مضروب في 5 أرغفة عيش, بالرغم أنه من الأشياء التي زاد سعرها على الدولة 60%.

نشرت أحد الصفحات المُهتمة بالشئون السكندرية, صوراً للخبز, الذي صغر حجمه و زاد سعره, وقال أحد المواطنين أن هذا الرغيف يسمى بالشامي, وأصبح كيف يده أكبر منه!, بحسب الصفحة التي يُتابعها الملايين».

رصدت زهرة التحرير تعليقات وآراء الإسكندرانية والتي جاءت غالبيتها غاضبة, ولاسيما وأن رغيف الخبز بكافة أشكاله وأنواعه يعد شىء هام كما أشارنا أعزائي القراء, حيث قال أحد المواطنون ويدعي عمر المهاجر: بقى ب75 قرش والافضل بدل ما اخد 7 ارغفه ب5 جنيه اجيب من الفرن 20 رغيف ب 7 جنيه العيش ده حر غير خاضع لمراقبه وزاره التموين الا للاشتراطات الصحيه فقط لكن سعره صاحبه,مضايفاً: بس يتحكم فيه حتى لو قال الواحد ب3 جنيه وليك الحق تشترى او لا وممكن تجيب من الافران العاديه بدون بطاقه الرغيف الواحد ب 30 قرش وانت ومزاجك,فيما قال حسن عادل: المفروض يبقي بجنيه تعالي بص كنت بشوف اجولة عيش مرمية بتتباع بالكيلو وهذا هو عقاب الله لكم تعالي شوف الزباله كانت كلها رز وعيش وخضار وبرضه هذا عقاب الله لنا ولاتحزن, فيما قال محمد حراز: انا عايز اعرف هى الناس اللى بتكتب دى مع البلد ولا ضدها – الدولة بتصرف لك عيش يكاد يكون مجانا بالبطاقة وكافى لكل فرد وزياده بدليل الناس بتوفر وباخذ بدل نقدى, الرغيف اللى حضرتك بتتكلم عليه سعره حر, لو عاجبك اشتريه مش عاجبك خليك فى البطاقة, من فضلك الدولة والظروف لاتحتاج الى هذه المهاترات والسخونيه الكدابة, وقالت إيمان تاج: أنا معنديش بطاقة وأنا اشتريت الرغيف 50 قرش واكتر الناس, فيما قال شيكو: بلها عيش زى اللحمة والفراخ والسمك والبيض واللبن والسمنة والزيت والسكر والرزو المكرونة والعدس والفول والفلافل وحاجات كتير كل دة ترفيه حياه يا جماعه, وتوقعت سلمي,قائلة : خلى الشعب ساكت بعد كده مش هنلاقى لقمة عيش لكبيره ولا صغيره وهما نزلين سرقه وتهريب الفلوس والناس بتكوح تراب,بحسب قولها».

وقالت ندي:متجبهوش هو ده الحل لو كل حاجه زادت كده ومحدش اشتراها غصب عنهم حينزلوا تمنها احنا معندناش الثقافه دى علشان كده حيفضلوا يستغلوا فينا وكل حد بيزود على مزاجه ومفيش فايده, وقال محمد سيف: ماهو كان كبير الاول عشان كانوا بيسرقوالدقيق المدعم ويعملو بيه العيش ده انما دلوقتى ما بيعرفوش لان الدقيق سعره بقى واحد فهمت ليه, بحسب قوله».