كريم جابر

طريقك إلى الموت, بهذه الجملة وصف الإسكندرانية طريق مطار برج العرب, والذي يمكن أن يصبح أخر رحلتك في الدنيا,طريق أزهق وحصد أرواح كثيرة بسبب قلة الإصلاحات به وسوء الحالة الإنشائية المتواجده على أراضيه, رغم أنه واحد من أهم الطرق بعروس المتوسط, نظراً لأنه يربط ما بين غرب المدينة ومطارها الواقع هناك بمدينة برج العرب, و وسط البلد بمدينتنا العريقة.

ورصدنا من خلال التقرير التالي, عدداً من آراء بعض الإسكندرانية المتوافدون على الطرق ليلاً نهاراً, حيث قال مواطن يدعى بحرية :«ده انتوا بتتكلموا عنه بالنهار والله لو روحتوا بالليل و فى جو مطر تشوفوا فيلم رعب حقيقى,لا اضاءه,لا علامات إرشادية,حفر وفخوخ للسيارات, فيما أضاف,محمد عبد الغني: أقسم بالله أنا وأسرتى كنا حننقلب بالعربيه النهارده بسبب مطبات وحفر وتكسير الطريق وعدم وجود لافتات إرشاديه, أنا مش فاهم الدوله معتبره المواطنين بهايم, نفسى أفهم الحكومه بتودى فلوس الضرايب فين ؟ حسبنا الله ونعم الوكيل,حسبما قال», فيما سرد محمد الجمل قصته,قائلاً: ركبت سيارة اجرة من مطار برج العرب للمندرة وكانت الساعة 2ظ وبعد المطار ب3ك تعطلت السيارة ولم نجد اى سيارة تقف لنا وظللنا لمدة 3س ننتظر ابن حلال يوصلنا حتى اتصلت بصاحب شركة سياحة كان معى رقمه فارسل لى سيارة نقلتنى للمندرة فى الليل وكنا امام معسكر للجيش قالولى تحمد ربنا انك تعطلت هنا لومشيت نصف كيلو كان طلع عليكم حرامية وسرقوكم وممكن تموتوا كمان فااين الامن والدوريات الشرطية فى طريق المطار»,وأردف عبد الرحمن حسن,المأساة: طريق زبالة ومكسر وخطر وسواقين التريلات بترخم ع الملاكي فيه ولا حتي فيه لمبة واحدة مش عارف ازاي ده طريق مطار حاجة تفضح, وأشارت سيدة تدعى رائدة الخطيب, إلى أن الحالة السيئة للطريق تسببت لها في حوادث كثيرة, وخضغت إلى تدخل جراحي عدة مرات بسبب الحوادث»,واكملت نيرمين علي,قائلة: ده طريق خطر جدا مش عارفه ازاي طريق لمطار دوولي منهم لله طريق مهم جدا لازم يصلحو الطريق ضروري وفين المحافظ اشمعنه بيصلحو طريق البرج المفروض ده طريق اهم», فيما سخر شريف دسوقي قائلاً: اسواء طريق والمحافظ ما يعرف فى مطار برج العرب عشان يعرف فى طريق اصلا, وقالت هدى فتحي :فعلا الطريق وحش جدا ومفيهوش اي اناره ولا اي استعداد لاستغاثه وبصراحه اخر اهمال على طريق مهم وحيوي زي ده وربنا يرحمنا من ظلم الظالمين,وأضاف وائل محمد: أسوأ طريق الواحد ممكن يمشي فيه,عمري ما شوفت طريق مطار بالشكل ده كله حفر ومكسر ولا يوجد علامات أو لوحات إرشادية,وأضافت خلود عيد: عملت حادثة عليه من اربع سنين واتكتب لى عمر جديد الحمدلله على كل حال,وأضاف محمد الجميل: والغريب أن مصر عملت 4000 كليومتر طرق, وأضاف عبد الرحمن متولي: قسما بالله من اكتر من عام ونصف وانا منزل نفس البوست ده ,ومفيش فايده,ده نموزج صغير لمصايب كتير موجوده بدايه من برج العرب وطريق المطار والعجمي اللي بقي تحفه (برك ومستنقعات)ياريت لو المحافظ يعمل زياره او ياخد لفه لغايه برج العرب مرورا بالعجمي».