بقلم :يحيي احمد 

طعم الوجع ف عنيه
مشفش غير الجوع
ومن كتر قولة ليه
بقي خلاص اخرس
كل الظروف حواليه
قتلت امل مشروع
انه ف يوم يبقي
مش كل يوم يرخص
عمره م عاش عمره
وعايش مجرد ضيف
وسط الهموم و الآه
وسط الحقيقة الزيف
بيعدي بكره عليه
وكأنه برضه كفيف
مسألش ايه مالك ؟
وايه خلاك ضعيف
لا بكره شاف دمعه
ولا ف يوم هيشوف
م هو اصله مش باين
لمّا كساه الخوف
عايش سنين ف البرد
عمره م داق الورد
ايه ذنبه انه يكون
عايش ف وسط الشوك