صبحي خليل، كشف الفنان صبحي خليل تفاصيل زواج نجلته داليا من الفنان الشاب أحمد عبد الوهاب، حيث تم الزواج بعد 10 أيام فقط من تقدمه لها.

وقال خليل: التيسير شيء ضروري في الحياة، ولازم نسهل الأمور في الزواج، زواج داليا بنتي كان نموذجا رائعا، وهما علشان نيتهم طيبة ومخلصين لبعض جدا، الفرح تم بسرعة، في كام يوم.

وأضاف: التقاليد المصرية في الزواج هي سبب تراجعنا، وعملت حالات عنوسة كتيرة، ونسب انفصال عالية بعد أول سنة جواز، وده سبب القايمة والطلبات الكتير والتعنت.

وتابع: لم أشترط على عريس بنتي حاجة، أنا بديله أعز ما أملك، وبنتي أعلى من أي قايمة وأي فلوس، لازم نسهل على ولادنا، نشتري راجل، نجوز ولادنا لناس أصحاب دين، والعريس والعروسة يحافظوا على صلاتهم، لأن ده هو الدين مش التزمت اللي بنشوفه.