ليه بايدينا …
بقلم : جمال عبد الصمد
القلب خلاص أتملى هم………ليه بايدينا نترطش دم
فى أى دين فيه المكتوب….. الظلم يعمى قلوب وقلوب
ليه فرح بلدى هو المغلوب..ارجوك تفوق أمانة ياعم
القلب خلاص أتملى هم………ليه بايدينا نترطش دم
الناس دى عايشة ليل ونهار…. بتحمى ابنى وأهل الدار
ليه بتخلى حياتها دمار… أرجع وفوق وبلاش الظلم
القلب خلاص أتملى هم………ليه بايدينا نترطش دم
مغسول دماغك بكلام معسول…أنك تهد والغير بينول
أبن البلاد دى ده أبن أصول… يفدى بلاده بالروح والدم
القلب خلاص أتملى هم………ليه بايدينا نترطش دم