دشن عدد من رواد موقع التواصل الاجتماعي تويتر هاشتاج #محمد_منير، بعد تحوله من تشجيع الزمالك لتشجيع النادي الأهلي.

وتصدر الهاشتاج قائمة الأكثر تداولا على تويتر وجاءت التعليقات كالآتي: "‏بعد اللي عمله فيهم ‎#محمد_منير ابتدوا يفخموا في هاني شاكر الزملكاوي اللي بيظهر وقت الشدة علي حد قولهم" و"‏الكينج خلاص تاب  ‎#محمد_منير ".

وقال آخرون: "‏محمد منير قال انا كنت زملكاوي. خدوا بالكوا من( كنت)  فعل ماضي.. يعني دلوقتي بقا أهلاوي وبيحب لاعيبة الأهلي فعلا فنان جميل وحاجة كدا عظيمة كنت بحبه ودلوقتي حبيته أكترررر  ‎#محمد_منير" و"‏دايما أي شخص هو اللي بيفتخر بالمؤسسة اللي بينتمي ليها وبيشجعه  ‎#محمد_منير قرر إنه يكون أهلاوووي والفخر ليه ولأي شخص ينتمي لكيان زي الاهلي".

وأثار الكينج محمد منير، نجم الغناء في مصر والوطن العربي استياء وغضب جماهير الزمالك، بينما اكتسب تأييدا وحفاوة من جماهير الأهلي في المقابل بسبب تصريحاته عن اعتزال تشجيع الزمالك والتحول إلى مشجع أهلاوي.

محمد منير قال نصا في حوار ببرنامج صاحبة السعادة "كنت زملكاوي بس دلوقتي بحب لاعيبة الأهلي".

ونشرت صفحة الأهلى الرسمية على فيسبوك صورة للكينج محمد منير وهو يمسك بتيشرت النادي الأهلى.

وكتب منير على التيشرت رسالة لـلاعبي النادي الأهلى وجاءت كالآتي: "إلى أبنائي كل اللاعبين محبتي لكم إلى الأبد وتسقط العنصرية".