كشف الفنان هشام جمال، كيف أقنع النجمة دلال عبد العزيز مشاركتها في مسلسل "في بيتنا روبوت"، وقال خلال لقائه في برنامج "صاحبة السعادة" للنجمة إسعاد يونس المذاع على قناة dmc: بحب عيلة سمير غانم أوى وبكون متفائل بيهم، فى الأول قلت لدنيا وجود دلال عبد العزيز قيمة معانا قالتلى هتوافق والمكالمة مخدتش دقيقتين، وقولتلها أول مرة ليا أمثل، وعاوزك تقفى جنبى في أول تجاربى التمثيلية، قالتلى طبعا يا حبيبى، وعملت دور أمى وكان دمها خفيف ومتصدقة، وكمان النجمة شيرين وافقت علطول".

وأضاف هشام: أنا في أول تجاربى التمثيلية كنت مسنود على شيماء سيف وعمرو وهبة؛ لأن أنا أول مرة أمثل ومش من حقى أن اسمى يبقى قبلهم في التتر، وفاكر كلمتك يا إسعاد من 10 سنين، لما كنت فى مكتبك قلتيلى هقولك كلمتين "مش بتمشى غير بالحب".