الشاعر : ناجى أنس 

انا وياك

متقلقشي اناوياك

ولسا كمان باحضن فيك وباطبطب

لاهو إنت مفكر اني هناك

ومش فاكراك ولا براعيك ياقريب

بافكر فيك يا ضنايا

واناهنا ياإبني مرتاحه

وحاسه ان انت ويايا

وبرضه واحشني بصراحه

متنساش ماما يا إبني كمان

وتقري كل يوم فاتحه

وكام  سور من القرآن

عشان اكون حاسه بالفرحه

ما انا أعمالي في الدنيا

خلاص خلصت وفاتتني

وانت دعوتك ليا

حتقعد لي  وتنفعني

زمان انا كنت بادعيك

وبإديا باروح أشيلك

ضنايا انت مقصرتش

معايا بس معرفتش

أكون وياك

ويمكن أكون انا قصرت

وسبتك في الحياه وحدك

تشيل همك ولايهمك

ماتحزنشي وانا بقولك

انا أمك وأهو انت عرفت قلب الأم

انا مش ممكن ارجع لك

لكن دعواتي قعدت لك

فا متشلشى يا ابنى هم

ويوم الدين

حتنفع في حساب ربك

وشملنا فى عدن يتلم .