تحدثت الفنانة الصاعدة هنا الزاهد عن الانتقادات التي تتعرض لها من قبل الجمهور على مواقع التواصل الاجتماعي، والتي تتسبب في إزعاجها، مشيرة إلى أن العديد من الأشخاص يتحدثون عن اختلاف صوتها عن شكلها الخارجي، وأوضحت أنها ترغب في أن تدرب صوتها لتتحكم فيه بصورة جيدة أثناء الأدوار الفنية المختلفة.

وقالت «الزاهد»: «أنا جالي انتقاد لحد دلوقتي مقدرش أنساه، بيفضلوا يقولوا إيه بقى، صوت البنت دي مش لايق على شكلها، فمش عارفه أعمل إيه، طيب أنا أعمل إيه دلوقتي، وأنا مش حاسة إن الصوت عندي مشكلة، دي من التعليقات الوحشة وفي تعليقات بتبقى حلوة».

وتابعت: «وطلعت واحدة بقى صحفية كده كتبت هنا الزاهد هتعمل عملية تجميل في صوتها، هو في حد أصلًا بيعمل تجميل في صوته ده أي كلام، فطلعت قلتلهم لا أنا مش هعمل الحاجات دي طبعًا، لكن أنا قلت هروح أدرب صوت لأن صوتي تخين».

واستكملت: «ده أنا كان عندي مشكلة في مسلسل مأمون وشركاه في مشهد بقول لخالد سليم أنا بحبك، أنا مش قادره أقولها وكل لما أقولها بضحك، وقلت لخالد سليم مش هقدر أقول بحبك دي، وفي الآخر قلتله بحبك بصوت واطي علشان أبقى رومانسية وطلع المشهد حلو جدًا.. حاولت أبقى كيوت فيه».