حليم
ناجي أنس
حليم ياحب في قلب قلوب
قريته في فنجان ناسك
دا مفيش حبيب عاشق محبوب
إلا وعشقه في أحساسك
حاجه غريبه وحب عجيب
ياحلو من الحلوات بغناه
كل اللي سمعك ياعندليب
من أول مره يقول الله
نبتدي منين الحكايه
وأى دمعه حزن لا
موعود بالهوي هوايا
والحلوه قالت أنا عشقاه
انا لما اشوف إتنين أحباب
علي قد الشوق قاعدين سوا
أقول بالهم سواح في جواب
أو أهواك و زي الهوي
في يوم في شهر في سنه
وتوبه علي جرح آلامك
عدي النهار علي مصرنا
جبار وحساس من يومك
العشق فينا بأمر الحب
و الحب مين له أمر عليه ؟
دا اللي يحبه بجد الرب
بيحبب كل الناس فيه
حليم يامعبود الجماهير
في شارع الحب وشفناك
تمثيل وله معني وتأثير
وفي الخطايا عشنا معاك
فوق الشوك ومشيت ع الصعب
مفيش في كونا كدا أوصاف
د انا لو خايف مره أحب
لما اسمعلك عمري ما أخاف
قلت لبلدنا عاوز صوره
خليت خساره إتقلبت نصر
بلادي صبحت منصوره
والكل بقي بيغني لمصر
كلنا هنا علشان تكريم
لاسمر لأسمراني حليم
ميت الف رحمه ونور ياحبيب
ملايين بيعشقوا فن عظيم ٠
