وجه الرئيس عبد الفتاح السيسي، خلال افتتاح مشروع محطة كهرباء أسيوط، حديثه للشعب المصري، قائلا: "يا ترى يا مصريين كنتو هتستحملوا تخطيط 4 سنين لحد ما ندبر موارد، هتقدروا تستحملوا 5 سنوات لحد ما نوصل للمستوى ده".
وأضاف: السيسي: "كان كلامي مع الحكومة إن ده أمن قومي، المصانع المتعطلة، الناس اللي بتعاني في بيوتها، والاستثمار اللي متوقف على عبور أزمة الكهرباء اللي بتمر بيها مصر، التي مرت بإرادة حديدية وتكاليف مالية هائلة".
وتابع: "أنا بقول الكلام ده للمصريين عشان مننساهوش، أعتقد إن دول كتيرة كانت محتاجة وقت كبير لحل أزمة استمرت من 2008 لـ2014، وتجاوزناها الآن في سنة، وعندنا احتياطي رغم إن ارتفاع الحرارة اليومين اللي فاتوا كان بيأثر على المحطات".
وقال "السيسي"، لوزير الكهرباء الدكتور محمد شاكر: "أنا بقول كده يا شاكر للشعب المصري عشان يعرفوا إن بلدهم بتجري بجد وبتحقق إنجاز حقيقي بمجهود كبير وليس بسهولة".
ويفتتح الرئيس عبدالفتاح السيسي محطة كهرباء أسيوط بقدرة 1000ميجاوات، و5 محطات أخرى بنظام الفيديو كونفرانس (محطة شمال الجيزة، ومحطة 6 أكتوبر، ومحطة كهرباء المحمودية، ومحطة توليد البساتين، ودمياط الغازية، ومحطة الحمراء بأسيوط، وشرق القاهرة، والبساتين)، حيث إن إجمالي القدرات المضافة من هذه المحطات سيبلغ 4710 ميجا وات، وذلك لمواجهة الأحمال المتزايدة في فصل الصيف، والتي اضطرت معها الحكومة لتخفيف الأحمال وقطع التيار الكهربائي خلال السنوات الماضية، وهو ما لن يشهده هذا العام عقب افتتاح المحطة وتوفير قدرات كهربائية عالية لتلبية احتياجات المواطنين.