انتشرت الفترات الماضية, ظاهرة سرقة الموبيلات و الشنط و كل ما يُحمل أو يُعلّق على الظهر, عبر النتش, من لصوص الموتوسيكلات, وكثفت الظاهرة السيئة تواجدها وانتشرها في الساعات القليلة الماضية, حيث قام لصين على دراجة نارية, بخطف حقيبة حريمي, من سيدة تَسير بمنطقة جليم بالإسكندرية, وسط صراخ كبير من السيدة , و قامت إحدى الكاميرات بتصويرهم, وأعلنت مديرية أمن الإسكندرية أنها قامت بإلقاء القبض عليهما وتبين أن أحدهما مُسجل خطر سرقات».

و آثارت الوقائع المُتعددة غضب الأهالي بالإسكندرية حيث قالت, فاتح حسان: انا بنتي اتسرق منها شنطة من امام نادي سموحة شخصين راكبين موتوسيكل للأسف اتسحلت في الشارع وكان عندها إصابات جامدة. وعمرها ١٦ سنة مرت بلحظات فظيعة من الخوف وفضلت ايام رفضة تذهب اي مكان, وقالت ماجدة محمود: ربنا يستر .. الموضوع ده زاد عن حده .. فعلا ع البحر مش بنشوف دوريات الشرطه .. نفسي يمروا علي طول البحر ويشوفوا البلاوي وكمان وجوه شكلها غريب لدرجه الكراسي قاعدين عليها وبجانبهم الموتوسيكلات اين دوريات الشرطه المفروض نهار وليل يمروا, وقال شعبان هيكل: الحاجات دى كل يوم والموتوسيكلات فى الشوارع كتيره ومشغلين اغانى بصوت عالى ومبرشمين ولا حدفى دماغهم ولا اى حد بيحاسب ولا بيدور وربنا يستر علينا البلد وضعها سئ جدا, وقالت لبنى جبريل: فعلا حصل معي نفس الشئ اختطفت الشنطة من ايدي من شخصين راكبين موتوسيكل من ش ابوقير ب جناكليس, وقال فتحي محمد: العيال بتوع الموتوسكﻻت دول مسويين منطقه محطه الرمل لحد السلسله وكمان شارع المشرحه بجوار السكه الحديد ومنطقه برج الثغر ده مكان ديما فيه, وقال محمد عمرو: موضوع السرقه ده انتشر جدا فعلا انا اعرف واحده حاولوا يسرقوا شنطتها بتكتك بس هي مسكت في الشنطه جامد وللاسف اتسحلت في الشارع واتبهدلت, وقالت بسنت: خلي البنات تلبس شنط كروس هيبقي صعب سرقتها, وقالت فاطمة محمد: أنا حاسة أننا بقينا عايشين ف شيكاغو, وقال مؤمن مَسلم: يااااارب فين الامن والامان ياحكومة, وقال أحمد منصور: انا واحد من الناس بقيت بحرص من أي موتوسيكل معدي من جنبي وانا ماسك الفون, وقال أحمد حسان: لما تمشى تخلى الشنطة من الداخل مش من ناحية الطريق, وقالت سُمية لُطفي: لازم حمله كبيره, وتكثيف الامن في الشوارع».