علق محمد عادل إمام، علي الأزمة المثارةحول لفظ أحمد الفيشاوي : "أنا بحب #أحمد_الفيشاوي.. مشكلة أحمد أنه عايش بدماغ غربي في مجتمع شرقي متحفظ جدًا، بيغلطوا أه بس مايحبوش اللي بيحبوهم يغلطوا".

وأضاف "إمام" علي صفحته الرسمية على "الفيسبوك": "أنا عشت مع أحمد أيام في بيت الأستاذ فاروق الفيشاوي ومدام سمية الألفي وماشفتش منهم غير كل حب، الأستاذ فاروق من ألطف الشخصيات اللي ممكن تشوفها في حياتك، ومدام سمية من أجمل الأمهات (ده غير إن أول مسلسل ليا في حياتي كان مع الاتنين دول)، وعلى فكرة أحمد الفيشاوي ده من أقوي الممثلين اللي في مصر سيبوه يعيش حياته زي ماهو عاوز وأنتوا عيشوا حياتكم زي مانتوا عاوزين".
وتابع قائلا: "البوست ده مش دفاعًا عن أحمد، هو فعلًا غلط واعتذر، بس كان في كلمتين لازم أقولهم بحق العيش والملح والعِشرة اللي بينا".