أثارت حكاية «هند شجيع عبد الرحمن»، الفتاة التي تحكي قصة اغتصابها على يد أحد الشباب بعد تخديرها، ردود أفعال مختلفة بين نشطاء مواقع التواصل الاجتماعي، ما بين المصدق والمكذب لما جاء في الفيديو الذي بثته الفتاة على صفحتها الشخصية بـ«فيس بوك».

فيديو صادم

البداية كانت بفيديو صادم بثته «هند» الفتاة ذات الثلاثين عامًا، تطالب فيه رواد مواقع التواصل الاجتماعي مساعدتها في الحصول على حقها ممن ادعت أنه اغتصبها، فقالت إن لديها جمعية خيرية لإنقاذ القطط والكلاب، ومنذ عامين قابلت أحد الشباب في مظاهرة لحقوق الحيوان في مصر.

وأضافت أن الشاب كلمها منذ فترة قصيرة وطلب منها أن يأتي لإحضار مساعدات لجمعيتها عبارة عن طعام للقطط والكلاب، وتناولت معه الطعام أكثر من مرة في أماكن مفتوحة، وذات يوم طلب الشاب منها أن يأتي لتناول الطعام معها، فما كان منها إلا أن وافقت.

الغثيان

وتابعت: "عندما جاء الشاب إلى الجمعية لم يكن هناك أحد إلا كلابها والقطط، وأحضر معه الطعام، وعندما بدأت في تناول الطعام لاحظت أنها تشعر ببعض الغثيان "دوخة"، وقالت له إن هناك شيئا ما غير مضبوط، لكنه أكد لها أنها تعاني من الغثيان لأنها مرهقة".

وقالت: إنها بعد أن شعرت بغثيان شديد قام الشاب بتجريدها من ملابسها واغتصابها، وعندما استيقظت بعد 7 ساعات واجهت الشاب الذي تخلي عنها، وشعرت بالخجل والخوف على والدتها وأخواتها، ولم تقم بتحرير محضر بقسم الشرطة.

وطالبت هند رواد مواقع التواصل الاجتماعي بمساعدتها في الحصول على حقها، حتى لا تصل لمرحلة الانتحار فقالت: " ساعدوني آخذ حقي من الشخص اللي اغتصبنى أرجوكم.. مش عايزة حد يقولى أقابلك في مكان خاص ولا حد يقولى أنا هجبلك حقك ويكون بيقولى بس كلام أنا بفكر في الانتحار في كل لحظة، ومحدش حاسس بيا ولا الألم الجسدى والنفسي اللى بمر بيه أرجوكم ارحموا ضعفى ومتكذبوش عليا لو مش ناويين تساعدوا بلاش تقربوا منى خليكم بعيد بلاش أي كلمة جارجة لأن أي كلمة هسمعها هتأذينى نفسيًا وهتؤدى لانتحاري".

وأضافت: "الناس اللى في الإنقاذ انتو متعرفونيش بس أنا بانقذ وبربي، وكتير منكم كنت بأخذ منهم حالات وعمري ما قلت ده، لو في حد ليه سلطة أو راجل كبير يتبنى قضيتي كأنى بنته، هكون شاكرة ليه".

الانتحار

وتابعت: "أنا عملت الفيديو وظهرت فيه بوشي واسمى وكل شي عنى لأن معنديش شئ أخاف منه ولا أخجل منه، كان ممكن ألبس نقاب وأعمل الفيديو وأخفى هويتى، لكن ده كان هيكون تصرف غير أخلاقي منى وغير صريح ودي مش أخلاقي.. أرجوكم ساعدوني وأنا هكون ممنونة للشخص اللى هيساعدنى طول العمر".

وأثار الفيديو ردود أفعال مختلفة بين رواد مواقع التواصل الاجتماعي، فالبعض لا يصدق ما جاء بالفيديو، فقالت منيرة يوسف: "الفيديو ده بجد ولا هزار أنا مش مصدقة طيب ليه مارحتيش للشرطة على طول، خفتى من الفضيحة أمال اللى أنتى عاملاه ده إيه، أنا زعلانة منك أوى كان لازم تخفى الموضوع وكنا اتصرفنا بهدوء من غير فضايح ليكى، اللى انتى عملتيه ده غلط جدا كان فيه طرق كتير تاخدى حقك وزيادة من غير فضايح يعنى مامتك واخواتك كده ماعرفوش حاجة ده كده العالم كله عرف غلط غلط كده".

في حالها

وعلي جانب آخر، علقت عبير بيومي قائلة: "الناس إلى بتقول كانت كويسة من يومين هي كل عشر دقايق بحال، شكل هند هيجرالها حاجة بسبب الموضوع ده، بلاش أي واحد يقعد يحلل ويفكر بعقله وينتقد في واحدة مذبوحة بالمنظر ده، مفيش بنت هتطلع تقول على نفسها كده لمجرد التبلّي".

وأضافت :"هي حاولت كتير تلجأ لناس من أول ما الموضوع حصل والنتيجة اللى كان بيطمع فيها واللي مش مصدقها واللي يوعد ويخلف، وآخرهم إلى يدخل يعمل شو ويقول هساعد قدام الناس، وفي الآخر يقولها عليكي جن ولازم يطلع ياه للدرجادي بنت بطولها في الدنيا مش لاقية راجل يرحمها ويقف جنبها دي لو بغيَ واتعمل فيها كده غصب عنها ليها القصاص مابالك بنت في حالها كل حياتها حيواناتها وبس".

مش طبيعي

ورد محمد محمود: "بصي يا هند أنا تقريبا شفت كل فيديوهاتك وانتي صديقة من زمان ( فترة مش قليلة ) بس الفكرة أن اللي بتقوليه ده بطريقتك دي مش أسلوب خالص، لأن مبدأيا كده متزعليش مني على المستوي الشخصي أنا بحبك وكل حاجة بس مش طبيعي تخرجوا وتهزروا مع بعد وتشربوا سوا ويهزر معاكي هزار بالإيد، وبعد كل ده تقولي اغتصبني فجأة كدة، وبعد شهور زي ما قلتي من الحادثة! وأنه يخدرك بالأكل ده علميًا لأني صيدلي، انتي مكنتيش هاتحسي بأي حاجة بعد ما تصحي، ولكن حصل حاجة والأدوية دي اسمها rape drugs بتستخدم في حالات الاغتصاب، لأنها بتفقد الإنسان اللي قدامه ذاكرته لوقت معين، اللي هو وقت الاغتصاب فمش بيفتكر أي حاجة ف الوقت ده.. غير كده أنتي بتقولي مش عارفة تاخدي حقك منه بقالك فترة هو فعلا لو عليه قضية حتى لو كانت قضية صغيره ميقدرش يسافر مهما كان أبوه مين، بس هو تقريبا حد شير أنه في الصين حاليا".

في حين علقت نيرمين صباح قائلة: "يا جماعة الولد نزل بوست للأسف هو في الصين وباين أنه كذاب جداا، إزاي بيقول مستعد ياخذ إجراء قانوني وهو في الصين!!! وكمان بيقول إنه رفع قضية تشهير إزاي بردو قضية من غير المدعي وهو مسافر وحسبي الله ونعم الوكيل".