كشف محمد بركات لاعب النادي الأهلي ومنتخب مصر السابق، موقف طريف مع زملائه في القلعة الحمراء بسبب "جل الشعر".

وقال "بركات" خلال لقائه ببرنامج "معكم" المذاع على فضائية "cbc" تقديم الإعلامية منى الشاذلي، "أنا راجل تربية مصر الجديدة ومدارس

انترناشيونال.. ودولابي مليان كريمات وجل بتاعي.. وأنا مش من النوعية اللي بتقفل دولابها بمفتاح.. والعيال اللي حوليا كل واحد فيهم يستحمى ويروح على دولابي ويستخدم الجل بتاعي والعلبة ما بتقعدش معايا يوم".

وتابع: "علشان اتغلب على المشكلة دي روحت للراجل اللي بتعامل معاه جبت 30 علبة جل وحطيتهم لكل لاعب علبة في دولابه علشان محدش يعدي على دولابي.. وبعد يومين لقيت عصام الحضري بيقولي الجل بتاعي خلص يا نجم".