قالت الفنانة هالة صدقي، إن زوجها لم يُطلقها حتى الآن ويرفض طلاقها: «حاول يكلمني عشان يرجع لي بس أنا مش موافقة، هو رافض يطلقني»، مواصلة حديثها بسخرية: "زوجي السابق برضوا كان رفض يطلقني لمدة طويلة جدا، رجالة بتفهم وماسكين فيا».

جاء ذلك خلال حوارها في برنامج «شيخ الحارة والجريئة»، الذي يُعرض على شاشة «القاهرة والناس»، مع المخرجة إيناس الدغيدي.

وتحدثت «صدقي»، خلال الحلقة عن المخرج خالد يوسف، فذكرت أنه من أهم المخرجين في مصر: «كان شاطر جدا وعارف أدواته جيدًا، وقدم مصر يمكن بشكل غاضب شوية، ورانا مجتمع احنا عمرنا ما شوفناه، حط اسبوت على مناطق عمرنا ما شوفناها، بالعكس الدولة اهتمت بالمناطق دي وبدأت بالعشوائيات، خالد يوسف نور منطقة كنا بنخاف منها ولا بنحب نبصلها».

خالد يوسف مخرج وطني.. وفي ناس بتصطاد في المياه العكرة

وأوضحت الفنانة هالة صدقي، أنها تتحدث مع المخرج خالد يوسف وهو خارج البلاد، وترى أن نفسيته سيئة جدًا وحزين جدًا: «حصلت قدام عيني أن فيه ناس عاوزه تصطاد في المياه العكرة وناس كتير طلبوا يستضيفوه بس هو رفض عشان وطني، لو طلبني اشتغل معاه هشتغل معاه، وهرحب جدا بكده».

وعن رفض بعض الممثلات ارتدائهن للمايوه على الشواطئ في الأعمال الفنية،  ردت: «مش المشكلة في المايوه قد ما مشكلة المخرج هيصورها ازاي بالمايوه، لو قدام شاطيء لازم هتتصور بالمايوه، هتلبس اية يعني؟ ، تلبس مايوه أو ترفض الفيلم،  ممكن ألبس مايوه لو طُلب مني على البحر».