خرجت الفنانة منى فاروق لتوجه رسالة لمنتقديها ومهاجميها، وذلك من خلال فيديو نشرته عبر حسابها الرسمي بموقع تبادل الصور والفيديوهات انستجرام، على خاصية ستوري، مشيرة إلى أنها كانت تفكر في اعتزال السوشيال ميديا لكن وجود أشخاص تحبهم منعها من ذلك.

منى فاروق: كنت ناوي أقفل الأكونت بس لقيت ناس كتير بتحبني

قالت منى فاروق في مجموعة فيديوهات متتالية شاركته مع الجمهور: كنت واخدة إجازة من السوشيال ميديا الفترة اللي فاتت لاني كتت مخنوقة، وكنت ناوية أقفل الاكونت بس لقيت ناس كتير بتحبني وفي ناس كتير بيضيقوني لدرجة اني مش ببقى عايزة السوشيال ميديا تاني بس انا قاعدة على قلبكم.. وملكوش دعوة بحياتي خليكوا في حالكم عشان أنا مبخافش بخاف من ربنا بس.

منى فاروق واطلالتها المثيرة

وكانت قد تعرضت الفنانة منى فاروق لحملة هجوم وانتقادات شنيعة بسبب إطلالتها الاخير والتي شبهها الجمهور بقميص النوم، لترد على هذا الهجوم، قائلة: أنا بنت بتتكلموا في عرضي ليه؟ خافوا ربنا.. ما كل البنات بتلبس فساتين صيفي عادي .. يعني أنا حرة ليه نازلين فيا جلد، ده ربنا بيسامح وبيغفر لعباده الذنوب، انتوا مزعجين جدا .. بس أنا ولا فارق معايا كلامكم أنا بعامل ربنا مش بعامل البشر .. بجد حسبي الله ونعم الوكيل في كل الناس اللي بتكتب عني بالكذب.

واختتمت فاروق حديثها، قائلا: أنا في الأول والأخير بنت بتتكلموا في عرضي ليه ؟؟ خافوا ربنا شوية.. ربنا موجود وهيعوضني خير .. وأنا في حماية ربنا.

منى فاروق تعود للسينما بعد غياب

من ناحية اخرى، أعلنت منة فاروق عودتها للوسط الفني بعد طول غياب من خلال فيلم يجمعها مع الفنان محمد السبكي وذلك عبر حسابها الرسمي بموقع تبادل الصور والفيديوهات الشهير انستجرام، إذ قالت: “مفاجأة قريبًا مع المنتج الأب الجدع محمد السبكي”.

وتعرضت منى فاروق لانتقادات بالجملة بعد هذا الاعلان بسب صورتها التي نشرتها به بالمايوه في احضان السبكي، لترد منى فاروق، قائلة:أي حد بينقدني أو أي حد بيقول عني أي حاجة غير لائقة أنا هقاضيه، يالا بقا نعيش مع بعض شوية، إحنا في بلد بتحترم الناس، إحنا في مصر أم الدنيا، لازم يكون فيه احترام، واللي يكتب أبواب جهنم مفتوحالك.. مين انت علشان تحكم عليا إني هدخل جهنم؟، خلاص هتجلدني يعني؟ حطيت نفسك مكان ربنا؟.. الناس بتقول كانت بتطلع تعيط ودلوقتي عايشة حياتها.. إنت مالك برضو.. حياتي أنا حرة فيها.. أنا عندي اللي شغال على توك توك أحسن من الراجل اللي بيتكلم في عرض ست، هتروحوا فين من ربنا ياللي بتتكلموا في عرض ولية.. شوفولكم شغلانة تانية وسيبو اللت والعجن ده للستات” .