بقلم : سعيد عبد العزيز

أهلا يا سيادة الرئيس منور الدنيا .

الرئيس أهلا بك صديقي المواطن المصري

-تحب أكلم حضرتك بالبلدي و لا باللغة العربية الفصحي؟

-الرئيس ضاحكاً باللغة اللي بيفهما شعب مصر

-يا ريس عايز تسألني عن احوال البلد و لا كل معلومة وصلالك و لا إيه بالظبط؟

-الريس انا بحب اعرف كل كبيرة و صغيرة بس تعالي نتكلم يمكن عندك حاجة جديدة أعرفها و خليني أسألك أنا أحوال البلد إيه و الناس بيقولوا إيه؟ .

– شوف يا ريس الشعب واخد تلات إتجاهات واحدة بتأيدك و التانية منتظراك و التالتة مش فاهمة

– اللي بتأيد عارفة و متأكدة من وطنيتك و عارفة إنها سلمتك الأمانة و  زمام البلد و شايفة مجهودك و بتبارك خطوتك

– و التانية اللي منتظراك عايزة تشوف نتيجة مجهودك و بركة خطوتك و عايزة تقول فاضل علي الحلو دقة و ندوق طعم الخير و الرخاء

– و التالتة مش فاهمة يعني إيه تنمية و لا فارقه معاها الزمن و لا عايزة تنتظر هي عايزة نتائج سريعة و مش مهم منين و لا إزاي

– دا حال الشعب أما حال البلد لا يسر عدو و لا حبيب الناس هي هي الفاسد فاسد و الفقير لسة فقير و الغني أصبح أكثر ثراء يا ريس التعليم زي ما هو ماشي ببطء و الصحة زي ما حضرتك عارف الناس مش لاقية الدوا و مفيش ثقافة و انعدمت الأخلاق من الشارع و الكل أصبح يأخدها بذراعها و يا ريس بالأمانة الغلبان مش واخد حقه رجعنا تاني زي الأول و الله يا ريس أنا خايف تحبسني

– يضحك الرئيس و يقول لا ماتخافش مش هاحبسك أنا عايز أسمع إيه تاني

– يا ريس الشعب بتاعنا طيب و بيرضي بالقليل يا ريتك تطمنه و تطمني هو أنا ها تحبس يا ريس؟

– الرئيس خلصت كلامك قلت له أيوة يا ريس

– صمت بعمق ثم تنهد الرئيس و قال

– شوف يا سيدي انا مصدق كل اللي قلتله و عارفه بس ما تنساش إني بقالي ثلاث سنوات فقط يعني بزيح عن الشعب حاجات كتير عاشها و شافها و بيمارسها شوف يا سيدي

– طلعنا من ثورتين كانوا ممكن يقضوا علي البلد سواء بحسن نية أو سوء و الحمد لله ربنا نجا شعبنا و بلدنا من كل دا

– خدت البلد و كان الإخوان خاربينها و بايعنها و كان فاضل تكه و ما نلاقيش وطن لولا جيش و شرطة مصر كنا بقينا زي دول كتير كانو دول و أصبحو قبائل و عصابات.

– بدأنا بإصلاح الطرق و عملنا مشروعات قومية كبري بدأت في الإعلان عن نفسها و بدأنا تطوير التعليم و نسير في خطي ثابتة لإحترام آدمية كل مصري في هيئة سكن آمن و بيئة صالحة و بدأنا نعمر الأرض و نحولها الي واحة خضراء قريباً ثم يتم تسليمها الي المواطن المصري

– و بعدين يا سيدي ما تنساش دون قوة فلن تستطيع حماية وطنك خاصة في عالم الآن القوي هو من يستطيع الحديث مع الدول العظمي و ينال إحترامهم عشان كدا أصبحت قواتنا المسلحة من أقوي جيوش العالم تسليحاً و كفاءة و الجندي المصري فعلاً خير أجناد الأرض أعدنا تسليح قواتنا البرية و الجوية و البحرية و أصبحت حدودنا تحت السيطرة و فرض هيمنتها و إحنا لا نهاجم بل ندافع و أصبحنا نتعقب من يريد هدمنا حتي خارج حدودنا

– سيادة الرئيس تسمح أقاطعك ؟

– الرئيس إتفضل .

– هي فلوس التسليح منين ؟

– الرئيس من المعونات و الجيش له ميزانيته فلا نأخذ من الخارج القروض إلا و لدينا وسيلة الدفع و لن نخطئ مثلما كنا نفعل في الماضي خليني أكمل لك

– إتفضل يا ريس

– تعالي بقا نشوف كل دا بيتعمل و احنا بنحارب إرهاب دولي أسود في الداخل و الخارج عسكرياً و فكريا و دبلوماسياً و مع كل دا ماشين بثقة

– شوف أنا عايز أطمنك إن مصر بخير و إن كنا شايفين حاجة غلط هانصلحها و هانكمل بناء مصر كدولة حديثة يشار إليها إحنا الحمد لله بنتعامل مع كل الملفات بنفس قدر أهميتها

– ارجع أقولك إن مصر دلوقتي كلها شباب يعني كلها حيوية يعني إيقاع نهضتها أسرع

– بعفويتي سألته ممكن نكمل حديثنا الأسبوع القادم و لا هاكون محبوس يا ريس

– فرد ضاحكاً الحبس بعد نهاية الحوار

– وللحديث بقية مع صديقي الرئيس

– هذا الرجل رئيس رائع مستمع جيد و متحدث بواقعية