مساء أمس، انتشرت أسماء أوائل الثانوية العامة في الإعلام ووسائل التواصل الاجتماعي، انتظر محمد سيد ظهور نتيجته في قلق شديد، توجه إلى مركز حاسب آلي (سايبر) يقترب من منزله، سأل صاحبه محمود حسن عن موعد ظهور درجات المرحلة الثانوية على شبكة الإنترنت، أجابه صاحب "السايبر" دون أن يبدي اهتمامًا كبيرًا: "ممكن على بكرة الصبح"، قبل أن ينشغل حسن بتلبية مطالب زبائنه المتواجدين بقلة في داخل المركز. اعتمد طارق شوقي، وزير التربية والتعليم، مساء الثلاثاء، نتيجة الثانوية العامة. وقام شوقي بالاتصال بالأوائل من مختلف الشُعب لتهنئتهم وإبلاغهم بالنتيجة. على أن يتم نشر نتيجة الثانوية العامة بالكامل، عصر اليوم الأربعاء، على الموقع الرسمي لوزارة التربية والتعليم. في الواحدة ظهر اليوم، استيقظ سيد من نومه المضطرب، سأل والدته عن خبر نتيجته المنتظرة، أجابته في قلق بـ"مفيش حس ولا خبر". توجه سيد إلى "السايبر" الذي يديره حسن، لفت انتباهه هدوء المكان من حوله، وقبل أن ينطق كلمة واحدة، وصلته مكالمة تبلغه بنجاحه في الثانوية العامة. فما كان من حسن إلا تقديم التهنئة في نجاح زبونه. سأل سيد صاحب "السايبر" عن قلة المترددين على مركزه، برر حسن ذلك بـ"النت اللي بقى في كل بيت"، بينما زاد من حجته بالحديث عن الظروف المعيشية الصعبة التي يحياها الجميع "دلوقتي حتى اللي معندوش نت في البيت، بيكلم أي حد من معارفه يجبهالوا، لكن ينزل النت ويدفعلوا 10 ولا 20 جنيه في الظروف دي صعب أوي". على بوابة السايبر التي دخلها قبل لحظات، يلتقط محمود خضر أطراف الحديث، يحكي عن تجربته مع ظهور نتيجة الثانوية العامة "افتكر من 8 سنين، لما نزلت مع أبويا عشان نجيب نتيجة أخويا، كان السايبر زحمة زي طابور العيش.. الموضوع ده خف شوية لما جبت نتيجتي من 3 سنين.. دلوقتي أنا الناس بتكلمني أجيبلوهم نتيجتهم". قبل أن يكمل خضر حديثه ساخرًا "زمان كانت نتيجة الثانوية لها هيبة، والناجح كان يدي لصاحب السايبر الـ5 جنيه حلاوة.. دلوقتي أنت شايف ظروف الناس بقيت عاملة إزاي". نفس الأمر عبر عنه حسن "قبل ما افتح السايبر ده، كنت شغال عند واحد معرفة، وكانت ليلة الثانوية العامة دي، معروف إنها بيتعمل فيها قرشين حلوين". لم يختلف حال مصطفى شوقي عن حال حسن، إذ يملك الرجل الستيني مكتبة في حي المطرية بالقاهرة، تحوي ماكينة تصوير وجهاز حاسب آلي اشتراه خصيصًا لهذا الغرض "من 10 سنين كان اللي عندهم كمبيوتر متوصل بالنت معروفين في المنطقة بالاسم، فكانت الأهالي تتجمع عندي عشان أجيبلهم النتيجة". لكن مع اختلاف الأمر في السنوات الأخيرة، لم يول شوقي أي اهتمامًا لحال ظهور نتيجة الثانوية العامة في تلك الأيام.